ق ر يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياسيا كوميتەتى رەيستەردىڭ كەشىگۋى، جولاۋشى قۇقىعىنىڭ بۇزىلۋى جانە ازاماتتاردان كوپتەگەن ءوتىنىش تۇسۋىنە بايلانىستى جاريالانعان تەرگەۋدىڭ ناتيجەسىن ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
جولاۋشىلار اراسىندا رەزونانس تۋدىرعان رەيستىڭ كەشىگۋ دەرەكتەرىنە بايلانىستى 18 شىلدەدە كوميتەت ءتوراعاسى تالعات لاستايەۆ «ەير استانا» اۋە كومپانياسىمەن شۇعىل جينالىس وتكىزدى. جيىن بارىسىندا اۆياكومپانياعا اۋە كەمەلەرىن كوممەرسيالىق جوسپارلاۋداعى كەمشىلىكتەرى كورسەتىلىپ، تۇراقتى رەيستەردىڭ ورىندالماۋىنا جول بەرمەۋ تۋرالى ايتىلدى.
سونىمەن قاتار اۋە كەمەلەرىنىڭ جەدەل اۋىستىرىلماۋى، رەيستەردىڭ كەشىگۋى كەزىندە اۆياكومپانيا قىزمەتكەرلەرى تاراپىنان جىلدام تۇسىندىرمەلىك جۇمىستاردىڭ جۇرگىزىلمەۋى سىندى كەمشىلىكتەرى كورسەتىلدى. جينالىس قورىتىندىسى بويىنشا «ەير استانا» اۋەكومپانياسى رەزەرۆتى قامتاماسىز ەتۋ ءۇشىن تۇراقتى رەيستەر كەشىكتىرىلگەن كەزدە عانا پايدالانىلاتىن ارنايى جەكە اۋە كەمەسىن ءبولدى. قازاقستاندىق ءىرى اۆياكومپانيالاردىڭ اكسيونەرى رەتىندە «سامۇرىق-قازىنا« ءۇاق» اق اۋە كەمەلەرىن الۋدى جوسپارلاۋ جونىندەگى جۇمىستى كۇشەيتۋى قاجەتتىلىگى ايتىلدى. سونىمەن قاتار 21 شىلدەدە ءوزارا ءىس-قيمىلدى نىعايتۋ ماقساتىندا «قازاقستاننىڭ اۆياسيالىق اكىمشىلىگى» اق، «ەير استانا» اۆياكومپانياسى، الماتى جانە ورال قالالارى اۋەجايلارىنىڭ قاتىسۋىمەن كەڭەستەر وتكىزىلدى.
16 شىلدەگە جوسپارلانعان الماتى - مالە رەيسىنىڭ ۇزاق كەشىگۋىنە بايلانىستى جەدەل تۇردە ەكى كۇن ىشىندە تەرگەۋ جۇرگىزىلدى. ونىڭ قورىتىندىسى بويىنشا وسى رەيستىڭ جولاۋشىلارى 15 ساعاتتان ارتىق ۇشۋدى كۇتكەندىگى انىقتالدى. رەيستى كۇتۋ كەزىندە جولاۋشىلارعا «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياسيا قىزمەتى تۋرالى» ق ر زاڭىنىڭ 86-بابىنىڭ 1-بولىگىندە كوزدەلگەن قىزمەتتەر، اتاپ ايتقاندا قوناق ۇيدە تۇرۋ بويىنشا قىزمەتتەر ءتيىستى تۇردە ۇسىنىلماعان. وسىعان وراي 2022 جىلعى 21 شىلدەدە اۆياكومپانياعا قاتىستى اكىمشىلىك ءىس قوزعالىپ، اۆياكومپانياعا 1 000 اەك (1 اەك = 3 063 تگ) مولشەرىندە ايىپپۇل سالىندى. وسى ۋاقىتقا دەيىن كوميتەتكە بارلىعى 150-گە جۋىق ءوتىنىش كەلىپ ءتۇستى، ولاردىڭ ءارقايسىسى بويىنشا انىقتاۋ جۇمىستارى جۇرگىزىلۋدە. ونىڭ ناتيجەسى بويىنشا قولدانىستاعى زاڭنامادا كوزدەلگەن ءتيىستى ءىس شارالار قابىلداناتىن بولادى.
كودەكستىڭ 567-بابىنىڭ 1-بولىگىنە سايكەس، تاسىمالداۋشىنىڭ قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياسيا قىزمەتى تۋرالى زاڭنامادا كوزدەلگەن تاسىمالداۋشىنىڭ كىناسىنەن نەمەسە اۋە كەمەسىنىڭ كەش كەلۋىنەن، تاسىمالداۋ مارشرۋتىنىڭ وزگەرۋى سالدارىنان رەيس ورىندالماعان نەمەسە كەشىككەن جاعدايدا جولاۋشىعا قىزمەتتەر كورسەتۋ جونىندەگى مىندەتتەردى ورىنداماۋى نەمەسە ءتيىستى دەڭگەيدە ورىنداماۋى كەزىندە 200 اەك مولشەرىندە ايىپپۇل سالىنادى.
سونداي-اق، وسى باپتىڭ ءبىرىنشى تارماعىندا كورسەتىلگەندەي، اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان ىس-ارەكەتكە (ارەكەتسىزدىككە) 1 000 اەك مولشەرىندە ايىپپۇل سالىنادى.