قازاقستان ايەلدەر قۇراماسى فينالدا جاپونياعا ەسە جىبەردى
الماتىدا ايەلدەر قۇرامالارى اراسىندا رەگبي-15-تەن XII ازيا چەمپيوناتى اياقتالدى، دەپ حابارلايدى Almaty-akshamy.kz مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتىنە سىلتەمە جاساپ.
قازاقستان ايەلدەر قۇراماسى فينالدا جاپونياعا ەسە جىبەرىپ، كۇمىس جۇلدەنى قاناعات تۇتتى. ماچتىڭ ەسەبى – 0:72
اننا ياكوۆليەۆا جاتتىقتىراتىن رەگبيشى قىزدارىمىز ءبىر اپتا بۇرىن العاشقى ويىندا گونكونگتى 27-23 ەسەبىمەن جەڭگەن بولاتىن.
رەگبيدەن ايەلدەر اراسىندا سارى قۇرلىق باسەكەسى 2006 جىلدان بەرى ءوتىپ كەلەدى. العاشقى چەمپيوناتتى قىتايدىڭ كۋنمين قالاسى قابىلداپ، الاڭ يەلەرى باس جۇلدەگە يە بولعان ەدى. 28 مامىرداعى كەزدەسۋدە قازاقستان مەن جاپونيا چەمپيوندىق جاعىنان تەڭەستى. ەكى ەلدە 5 باس جۇلدەدەن بار. ال جۇڭگو مەن گونكونگ بىر-بىردەن جەڭىسكە جەتتى.
ايتا كەتەيىك، رەگبي-15 وليمپيادا باعدارلاماسىنا كىرمەيدى. وندا ءار كوماندادا 26 سپورتشىدان بولادى. ءار تايم (2) 40 مينۋتقا سوزىلادى.