پرەزيدەنت قاسىم-جومارت توقايەۆ وسى سۇراققا جاۋاپ بەردى.
بۇگىن داۋىس بەرىپ جاتقان كونستيتۋسيا باپتارىن جۇزەگە اسىرۋىمىز كەرەك، دەدى پرەزيدەنت، دەپ حابارلايدى Almaty-akshamy.kz
پرەزيدەنت قاسىم-جومارت توقايەۆ رەفەرەندۋمنىڭ وڭ ناتيجەسى شىققان جاعدايدا ءبىراز جۇمىس اتقارۋ قاجەت بولاتىنىن مالىمدەدى.
«الدىمىزدا ءبىراز جۇمىس بار. بۇگىن داۋىس بەرىپ جاتقان كونستيتۋسيا باپتارىن ىسكە اسىرۋىمىز كەرەك. زاڭناماعا وزگەرىستەر ەنگىزۋ قاجەت. اتاپ ايتقاندا، پارتيا مەن پارلامەنتكە قاتىستى تۇزەتۋلەر بار. مەنىڭشە، ءبىزدىڭ پارلامەنتىمىز ول جۇمىستى ابىرويمەن اتقارا الادى. بۇگىن حالقىمىز داۋىس بەرىپ جاتقان جاڭالىقتار ەلىمىزدىڭ قوعامدىق ومىرىنە كوپتەگەن وزگەرىس اكەلەدى. شىن مانىندە، مەملەكەت پەن قوعام اراسىنداعى قارىم-قاتىناس پاراديگماسى وزگەرەدى. ادام قۇقىقتارى ءبىرىنشى ورىنعا شىعادى» ، - دەدى توقايەۆ رەفەرەندۋم اياسىندا وتكەن بريفينگتە.
وسى ورايدا پرەزيدەنت كونستيتۋسياعا ەنگىزىلەتىن تۇزەتۋلەر بويىنشا ادام قۇقىقتارى جونىندەگى ۋاكىلگە جاڭا مارتەبە بەرىلەتىنىن ەرەكشە اتاپ ءوتتى. ال مەملەكەت باسشىسى حالقىنا ادال قىزمەت ەتۋگە جانە كونستيتۋسيانى قاتاڭ ساقتاۋعا مىندەتتى. توقايەۆ ونى باستى قاعيدا رەتىندە ۇستاناتىنىن جەتكىزدى.
«الدىمىزدا تۇرعان ماقساتىمىز، جۇمىسىمىز وتە اۋقىمدى. ءبارىمىز ۇلت بولىپ، ەل بولىپ، جۇمىس ىستەۋىمىز كەرەك. ەلىمىزدىڭ قاۋىپسىزدىگىنە تونەتىن قاۋىپ-قاتەر از ەمەس. سوندىقتان ەلىمىز وتە قىراعى بولۋى كەرەك. ءبارىمىز ءبىر جۇدىرىق بولىپ، قاۋىپ-قاتەرگە تويتارىس بەرۋىمىز كەرەك»، - دەپ اتاپ كورسەتتى توقايەۆ.