باس پروكۋروردىڭ ورىنباسارى جاندوس ومىرالييەۆ رەفەرەندۋم كۇنى سايلاۋ ۋچاسكەلەرى قالاي باقىلاناتىنىن ايتتى، دەپ حابارلايدى aqshamnews.kz.
ونىڭ سوزىنشە، رەفەرەندۋم كەزىندە ۋچاسكەلىك كوميسسيالاردىڭ مۇشەلەرىنە ەرەكشە جاۋاپكەرشىلىك جۇكتەلدى.
زاڭعا سايكەس، ولاردىڭ كەلەسىدەي ارەكەتتەرى جازالانادى: ازاماتتارعا باسقا ادامدار ءۇشىن داۋىس بەرۋگە مۇمكىندىك بەرۋ ماقساتىندا بيۋللەتەندەردى بەرۋ؛ ازاماتتاردىڭ سايلاۋشىلار قۇقىعىمەن تانىسۋىن بۇزۋ نەمەسە داۋىستاردى ساناۋ باستالعاننان كەيىن ولارعا وزگەرىستەر ەنگىزۋ؛ رەفەرەندۋمنىڭ قورىتىندىسى جايلى ءىس ارەكەتتەرگە اكىمشىلىك جاۋاپ كوزدەلگەن. كەيبىر فاكتىلەر ءۇشىن قىلمىستىق جاۋاپكەرشىلىك تە بار، - دەدى جاندوس ومىرالييەۆ وسك-دا وتكەن بريفينگتە.
ومىرالييەۆ رەفەرەندۋمعا ۇگىت-ناسيحات جۇرگىزىلگەننەن باستاپ قانشا ادام زاڭ بۇزعانىن ايتتى.
رەفەرەندۋمعا قاتىسۋ قۇقىعىنا نەمەسە كوميسسيالاردىڭ جۇمىسىنا كەدەرگى جاساۋ، رەفەرەندۋم قۇجاتتارىن بۇرمالاۋ جانە داۋىستى دۇرىس ەسەپتەمەۋگە قاتىستى قىلمىستىق جاۋاپقا تارتىلادى. رەفەرەندۋمعا دايىندىق كۇنىنەن باستاپ 24 زاڭ بۇزۋ فاكتىسى انىقتالعان. ولار اكىمشىلىك جاۋاپكەرشىلىككە تارتىلدى، - دەدى باس پروكۋروردىڭ ورىنباسارى.