الماتىداعى وندىرىستىك جانە تۇرمىستىق قۇرال-جابدىقتار جاسايتىن كومپانيا وكىلدەرى كوكەيدەگى سۇراعىن قويىپ، پىكىر الماستى
رەفەرەندۋمدى قوعامدىق قولداۋ جونىندەگى قالالىق شتابتىڭ وكىلدەرى الماتىداعى وندىرىستىك جانە تۇرمىستىق قۇرال-جابدىقتار جاسايتىن كومپانيا وكىلدەرىمەن كەزدەسىپ، الداعى بولاتىن جالپىحالىقتىق داۋىس بەرۋدىڭ ماڭىزىن ءتۇسىندىردى، دەپ حابارلايدى Almaty-akshamy.kz Almaty.tv –گە سىلتەمە جاساپ.
ونەركاسىپ جۇمىسشىلارى كوكەيدەگى سۇراقتارىن قويىپ، پىكىر الماستى.
«جۇمىسى وڭ بولسىن، ەرتەڭ جاعدايى جاقسى بولسىن دەگەندەي كونستيتۋسياداعى رەفەرەندۋمدى قولدايمىز دەپ وتىر. ول بىزگە كەرەك. اسەرى بار دەپ وتىر. ءبىزدىڭ ماقسات – نەگىزى جۇمىسشىلارعا جەتكىزۋ. وسى شارا قولدانىلاتىن بولسا، ەكونوميكامىزدا، ەلىمىزدە تۇراقتىلىق بولادى»، – دەدى رەفەرەندۋمدى قوعامدىق قولداۋ جونىندەگى قالالىق شتابتىڭ ءتوراعاسى راحمان الشانوۆ.
«بۇگىن ءبىزدىڭ وندىرىستە رەفەرەندۋمدى ءتۇسىندىرۋ جۇمىستارى ءوتتى. ءىس-شاراعا 100-گە جۋىق جۇمىسشى قاتىستى. قىزمەتكەرلەر شتاب مۇشەلەرىنە سۇراعىن قويىپ، تۇسىنىكسىز تۇستارىن سۇرادى. ءبىز ءۇشىن جيىن ماڭىزدى»، – دەدى «كەلەت» اق ۆيسە-پرەزيدەنتى الەكساندر پاپپ.