جالپىحالىقتىق رەفەرەندۋم «جاڭا قازاقستاننىڭ» باستاماسى رەتىندە وتكىزىلەتىندىكتەن، تاۋەلسىزدىك جىلدارىندا دۇنيەگە كەلگەن جاستار ءۇشىن دە، بىزدەر ءۇشىن دە العاشقى بولماق.
وسى جولى اتا زاڭعا وزگەرىستەردى حالىق بولىپ، ءوز تاعدىرىن ءوزى شەشىپ، مەملەكەتتىڭ كەلەشەگىن ايقىنداۋ ءۇشىن رەفەرەندۋم ارقىلى وتكىزگەلى وتىر.
اتا زاڭعا وزگەرىستەر ەنگىزۋ ارقىلى «جاڭا قازاقستاننىڭ» ىرگەتاسى قالانۋداعى ۇلكەن ءىستىڭ باستاماسى دەسەك تە بولادى.
الداعى ۋاقىتتا پارلامەنت وتىزعا جۋىق زاڭعا تۇزەتۋلەر ەنگىزەتىن بولادى. بۇل ۋاقىتتى تالاپ ەتەتىن كۇردەلى پروسەسس ەلىمىزدەگى مەملەكەتتىك باسقارۋ جۇيەسىن جەتىلدىرۋگە، ازاماتتىق قوعامدى، جاڭا ساياسي مادەنيەتتى قالىپتاستىرۋعا نەگىز بولماق.
كونستيتۋسياعا ەنگىزىلەتىن وزگەرىس بويىنشا وتەتىن رەفەرەندۋمدى ستۋدەنت قاۋىمعا ءتۇسىندىرۋ جۇمىستارىن ءال-فارابي اتىنداعى قازۇۋ گەوگرافيا، جەرگە ورنالاستىرۋ جانە كاداستر كافەدراسىنىڭ پروفەسسور-وقىتۋشىلارى اتا زاڭعا وزگەرىستەر ەنگىزۋ ارقىلى «جاڭا قازاقستاننىڭ» ىرگەتاسىن قالاۋدا جاستاردىڭ الاتىن ءرولى ەرەكشە ەكەنىن ونلاين جانە وفلاين رەجيمىندە تۇسىندىرۋدە.
رەفەرەندۋمنىڭ ءرولىنىڭ ماڭىزدىلىعىن ساياسي شاراعا تۇگەل قاتىسىپ، ءوز ويلارىنداعى ماسەلەرگە تاڭداۋلارىن جاساۋ قاجەتتىگى تۋرالى ءتۇسىندىرۋ جۇمىستارىن جۇرگىزۋدەمىز. رەفەرەندۋمعا قاتىسۋ قۇقىعىنا يە 18 جاسقا تولعان ستۋدەنتتەر، جاتاققانالاردا تۇراتىندار، ماگيسترانتتار وعان قاتىسۋ ءۇشىن № 258 سايلاۋ ۋچاسكەسىنە تىركەلگەندەر بيولوگيا فاكۋلتەتتىنىڭ وقۋ عيماراتىنا بارىپ داۋىس بەرەدى. بۇگىن جۇمىسقا بارعانىمدا، №258 سايلاۋ ۋچاسكەسىنىڭ كوميسسيا مۇشەلەرى بارلىق دايىندىق جۇمىستارىن ءتامامداپ قالىپتى. «جاڭا قازاقستاندى» دامىتۋعا، كوركەيتۋگە، وزگەرىس ەنگىزەتىن ءبىزدىڭ جاستار. الدا تالاي وزگەرىستەردىڭ بولۋى رەفەرەندۋم ارقىلى مۇمكىن بولماق. ال ونىڭ ءساتتى ءوتۋى ءسىز بەن ءبىزدىڭ تىكەلەي قاتىسۋىمىزعا بايلانىستى. كونستيتۋسيانىڭ كوپ بولىگىنە ەنگىزىلەتىن وزگەرىستەر ەلىمىزدەگى ءار ازاماتتىڭ ومىرىنە اسەر ەتەتىنى ءسوزسىز.
رەفەرەندۋمعا تۇگەل قاتىسىپ، نەمقۇرايدى قاراماي، «جاڭا قازاقستان» وزگەرىستەرىنە ۇلەس قوسادى دەپ سەنىم ارتامىز. سول سەبەپتى ءوز ستۋدەنتتەرىمىزدى 5 ماۋسىمدا وتەتىن رەفەرەندۋمعا جاڭا وزگەرىستەر ەنگىزۋ ءۇشىن داۋىس بەرۋگە شاقىرامىز.