داۋىلدى ەسكەرتۋ جاسالدى.
الماتى قالاسىنىڭ توتەنشە جاعدايلار دەپارتامەنتى قالادا 31 مامىر مەن 2 ماۋسىم ارالىعىندا قاتتى جاڭبىر جاۋادى دەپ ەسكەرتتى، دەپ حابارلايدى Almaty-akshamy.kz.
«نوسەرلى جاۋىن-شاشىن بولجامىنا بايلانىستى، 31 مامىر مەن 2 ماۋسىم ارالىعىندا الماتىنىڭ تاۋلى ايماقتارىندا اعىندى سۋلاردىڭ پايدا بولۋى جانە وزەندەردەگى سۋ دەڭگەيىنىڭ كوتەرىلۋى كۇتىلەدى»،- دەلىنگەن الماتى قالاسىنىڭ توتەنشە جاعدايلار دەپارتامەنتىنىڭ حابارلاماسىندا.
كىشى جانە ۇلكەن الماتى، اقساي، قارعالى باسسەيندەرىندەگى وزەندەردەگى «كازسەلەزاششيتا» باقىلاۋ بەكەتتەرىنىڭ مالىمەتىنشە، جاعداي تۇراقتى.
سونداي-اق قالا تۇرعىندارىنا تاۋعا بارۋدان باس تارتۋعا كەڭەس بەرىلدى.
«قۇرمەتتى ازاماتتار، قاتتى جاۋىن-شاشىن كەزىندە عيماراتتار مەن ءۇي-جايلاردان شىقپاۋعا تىرىسىڭىز! ماشينالاردى اعاشتاردىڭ استىنا قالدىرماڭىز! «112» ەسكەرتۋ سيگنالدارىن جانە بۇقارالىق اقپارات قۇرالدارىنىڭ، تەلەديداردىڭ، راديونىڭ حابارلامالارىن قاداعالاڭىز!» - دەپ حابارلادى ماماندار.