بريفينگكە تاۋەلسىز مەملەكەتتەر دوستاستىعى اتىنان باقىلاۋشىلار رەتىندە ميحايل لەبەدينسكيي جانە الماتىداعى رەسەي فەدەراسياسىنىڭ باس كونسۋلدىعىنىڭ كونسۋل-كەڭەسشىسى ارتەم وگانوۆ قاتىستى. باقىلاۋشىلار الماتى قالاسىنداعى جاعداي تۋرالى باياندادى.
حالىقارالىق باقىلاۋشىلار ەلىمىزدەگى رەفەرەندۋمدا بارلىق قۇقىقتىق-نورماتيۆتىك زاڭدار سايكەس ءوتىپ جاتقاندىعىن ايتتى. سونىمەن قاتار جالپى ەسەپ بويىنشا 49 پايىزعا جۋىق سايلاۋشى داۋىس بەرگەندىگىن ناقتىلاپ ءوتتى.
– قازاقستانداعى جالپى حالىقتىق رەفەرەندۋم بارشا حالىقارالىق ستاندارتتارعا سايكەس وتۋدە. ءقازىردىڭ وزىندە 60 پايىزدان استام داۋىس بەرۋىشىلەر داۋىس بەرگەن. بۇل جاقسى كورسەتكىش دەپ باعالار ەدىك، – دەدى .
سپيكەرلەر ونلاين جانە وفلاين سايلاۋدىڭ ايىرماشىلىعى جونىندە پىكىرلەرىمەن ءبولىسىتى.
– وتە ساۋاتتى سۇراق قويىلدى دەپ بىلەمىز. ويتكەنى بۇل الەمدە بار تاجىريبە. دالىرەك ايتقاندا ەستونيا بۇل تاجىريبەنى وزدەرىنەن وتكىزگەن. ءبىراق ولاردىڭ حالقىنىڭ سانى سالىستىرمالى تۇردە قاراعاندا ازداۋ. ال ونلاين سايلاۋدى، تەلەفون، سمارتفوننىڭ كومەگىمەن الداعى ۋاقىتتا جۇزەگە اسىراتىنىمىز انىق. ءبىراق قازىرگى جاس شاماسى 50-60 جاستى قۇرايتىن ەگدە كىسىلەر ەلەكتروندى داۋىس بەرۋگە تولىق مۇمكىندىگى جەتپەۋى مۇمكىن. كوبىسى ەلدى-مەكەن، اۋىلدىق جەردە ورنالاسسا، وعان ينتەرنەت قولجەتىمدىلىگى كەرەك بولادى. سول سەبەپتى وسىنداي كەلەڭسىزدىكتەر تۋىندايدى. دەگەنمەن كەلەشەكتە ءتۇبى ءبىر ەلەكتورندى داۋىس بەرۋگە كوشىپ قالۋىمىز عاجاب ەمەس.
جيىن سوڭىندا حالىقارالىق ساراپشىلار قازاقستانداعى رەفەرەندۋم حالىقتىڭ بەلسەندىلىگىمەن ءارى جوعارى دەڭگەيدە ءوتىپ جاتقاندىعىن جەتكىزدى.