جازۋشى كادىربەك سەگىزباي الماتىداعى داۋىس بەرۋ قاتىستى پىكىر ءبىلدىردى
بەلگىلى جازۋشى جانە قوعام قايراتكەرى كادىربەك سەگىزباي قازاقستانداعى اتوم ەلەكتر ستانسياسىنىڭ قۇرىلىسى تۋرالى رەفەرەندۋمعا قاتىستى. ول ءوتىپ جاتقان رەفەرەندۋمدى دەموكراتيالىق ۇدەرىستىڭ ماڭىزدى بولىگى دەپ اتاپ ءوتتى.
«رەفەرەندۋم – ءاربىر ازاماتقا پىكىرىن ءبىلدىرىپ، ەل بولاشاعىنا قاتىستى ماڭىزدى ماسەلەنى شەشۋگە ۇلەس قوسۋعا مۇمكىندىك بەرەدى. بۇگىن مەن وسى مۇمكىندىكتى پايدالانىپ، داۋىسىمدى بەردىم»، – دەدى كادىربەك سەگىزباي.
ەسكە سالا كەتەيىك، بۇگىن قازاقستاندا رەسپۋبليكالىق رەفەرەندۋم ءوتىپ جاتىر. وبلىستاردىڭ، رەسپۋبليكالىق ماڭىزى بار قالالاردىڭ جانە استانالىق كوميسسيانىڭ مالىمەتى بويىنشا، 2024 جىلعى 6 قازاندا ساعات 14:00-دەگى جاعدايعا سايكەس قازاقستاندىقتاردىڭ 51،77%-ى بيۋللەتەن الدى. الماتى تۇرعىندارى داۋىس بەرۋ ۋچاسكەلەرىنە ساعات 20:00-گە دەيىن كەلە الادى.