قازاقستاندىق جۋرناليست، جازۋشى بيگەلدى عابدۋللين الماتىدا اتوم ەلەكتر ستانسياسىن سالۋ ماسەلەسىنە ارنالعان رەفەرەندۋمدا داۋىس بەردى. ول بوستاندىق اۋدانىنداعى №191 مەكتەپتە ورنالاسقان №235 سايلاۋ ۋچاسكەسىنە بارىپ، ءوز تاڭداۋىن جاسادى.
بيگەلدى عابدۋللين داۋىس بەرگەننەن كەيىن رەفەرەندۋمنىڭ ەل ءۇشىن ماڭىزدىلىعىن اتاپ ءوتىپ، بۇل ءاربىر ازاماتتىڭ ءوز پىكىرىن ەركىن بىلدىرۋگە مۇمكىندىك ەكەنىن ايتتى. ءوزىنىڭ الەۋمەتتىك جەلىدەگى پاراقشاسىندا ول: «ءوز داۋىسىمدى ەل بولاشاعى ءۇشىن بەردىم. قانداي شەشىمدى قولدايتىنىمدى وزدەرىڭىز تاۋىپ كورىڭىزدەر...»، - دەگەن جازبا قالدىردى.
ەستەرىڭىزگە سالا كەتەيىك، بۇگىن قازاقستاندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.