رەفەرەندۋم الەۋمەتتىڭ الەۋەتىن ارتتىرىپ، دامىعان ەلگە جول باستايتىن تىڭ جاڭاشىلدىق بولعالى تۇر - اكادەميك
قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا رەفەرەندۋم وتكىزۋدى قولداۋ ءۇشىن الماتى قالالىق پارتيا شتابى وتكىزەتىن ءىس-شارالاردى ىسكە اسىرۋ شەڭبەرىندە ق ر بعم عك فيلوسوفيا، ساياساتتانۋ جانە ءدىنتانۋ ينستيتۋتى «كونستيتۋسيالىق رەفورما جاڭا قازاقستاننىڭ ساياسي-قۇقىقتىق نەگىزى رەتىندە» تاقىرىبىندا كونفەرەنسيا ءوتتى، دەپ حابارلايدى Almaty-akshamy.kz
كونفەرەنسياعا قاتىسۋشىلار-وتاندىق عالىمدار مەن ساراپشىلار كونستيتۋسيالىق رەفورمانىڭ وزەكتى ماسەلەلەرىن، جاڭا قازاقستاننىڭ ساياسي-قۇقىقتىق اسپەكتىلەرىن، اعىمداعى جىلعى 5 ماۋسىمداعى الداعى جالپىۇلتتىق رەفەرەندۋمنىڭ مىندەتتەرى مەن ماقساتتارىن تالقىلاۋدى جوسپارلاپ وتىر. ينستيتۋتتىڭ جەتەكشى عالىم-ساياساتتانۋشىلارى مەن شاقىرىلعان ساراپشىلار پرەزيدەنتتىڭ جالپىۇلتتىق رەفەرەندۋم وتكىزۋ باستاماسىن قولداۋداعى Amanat پارتياسىنىڭ مالىمدەمەسىن نازارعا الىپ، ورىنداۋ بارىسىندا رەفورمالار ناتيجەسىندە قازاقستاننىڭ ساياسي ديسكۋرسى قالاي وزگەرەتىنى تۋرالى ءوز پىكىرلەرىن ءبىلدىردى.
"ەلىمىزدە مەملەكەت باسشىسىنىڭ باستاماسىمەن اۋقىمى جانە ساياسي-الەۋمەتتىك جاعىنان ماڭىزى زور اسا اۋقىمدى وزگەرىستەر ورىن الۋدا. سونىڭ ىشىندەگى ەڭ نەگىزگىسى ول – رەفەرەندۋم. بۇل دەگەنىمىز ءبىزدىڭ اتا-زاڭىمىزدىڭ قۇقىقتىق زاڭدىق نەگىزدە بەكۋىنە سەپتەسەدى. سونىمەن قاتار الەۋمەتتىڭ الەۋەتىن ارتتىرىپ، دامىعان ەلگە جول باستايتىن تىڭ جاڭاشىلدىق بولعالى تۇر.
وزدەرىڭىز بىلەتىندەي قازاقستان دەموكراتيالى، قارىشتاپ دامىعان، ءار سالادا ۇلكەن جەتىستىكتەرگە جەتكەن الپاۋىت مەملەكەتكە اينالۋدى ءبارىمىز كوزدەيمىز. سول باعىتتا اتقارىلىپ جاتقان شارۋالاردا از ەمەس. وتكىزىلىپ جاتقان تالقىلاۋلار مەن كەڭەستەر سونىڭ ايقىن دالەلى.
مەملەكەتىمىزدىڭ ىرگەسى بەكەم، الار اسۋى الدا بولسىن دەمەكپىز"، - دەيدى فيلوسوفيا، ساياساتتانۋ جانە ءدىنتانۋ ينستيتۋتىنىڭ باس ديرەكتورى، اكادەميك سەرىك سەيدۋمانوۆ.