راسۋل جۇمالى، ساياساتتانۋشى: دەموكراتيالىق قوعام قۇرامىز دەسەك، بارشامىز ءبىر كىسىدەي اتسالىسقانىمىز ابزال

ەلىمىزدىڭ وركەندەۋىن ويلاۋىمىز كەرەك.

قازاقستاننىڭ بەلگىلى ساياساتتانۋشىسى ءارى قوعام قايراتكەرى راسۋل جۇمالى الدا وتەتىن رەفەرەندۋمگە قازاقستاندىقتار بەلسەندى تۇردە اتسالىسۋى كەرەك دەگەندى ايتادى، دەپ حابارلايدى Almaty-akshamy.kz

«جاھانداعى ساياسي احۋال قۇبىلىپ تۇر. سوڭعى 3 جىلداعى پاندەميا، مەملەكەتتەر اراسىنداعى تەكە تىرەستەر بىزگە دە ءوز اسەرىن تيگىزدى. ويتكەنى، الەمنەن تىسقارى قالا المايمىز. قاڭتار وقيعاسىنىڭ جايىن جاقسى بىلەسىز. جاستار ساياساتى دا كۇردەلى دۇنيە. ءبىراق مەملەكەت باسشىسى قاسىم-جومارت كەمەل ۇلى وسىنداي قيىن ساتتەردى سەزىنىپ وتىر. بۇل جاعىنان كەلگەندە پرەزيدەنتىنىمىزدىڭ مىقتى ساياساتكەرلىگى بايقالادى. ەندى جالپى حالىقتىق رەفەرەندۋم وتەتىن بولادى. وسىعان كوشە دەموكراتياسىمەن ەمەس، وركەنيەتتى تۇردە جۇزەگە اسىرۋ قاجەت. سونىمەن قاتار وسى تۇرعىدان العاندا عىلىمي-ساياسي ينستيتۋتتاردىڭ ماڭىزى زور.

قازاق قوعامى جاڭارۋ ءۇشىن بارلىعىن زاڭ جۇزىندە ىسكە اسىرعان ابزال. بىلەمىز، رەفەرەندۋم وتكىزۋدى قولداۋشىلاردا از ەمەس، سىناۋشىلار دا بار. دەگەنمەن، حالىققا ءتۇسىندىرىپ، ەلىمىزدىڭ وركەندەۋىن ويلاۋىمىز كەرەك. وسىنداي يگى ىستەردى ەشقانداي ايقاي-شۋسىز ىسكە اسىرۋعا بولادى. باستىسى بۇرىن جىبەرگەن ولقىلىقتاردى، قايتالاماۋىمىز قاجەت. سوندىقتان دەموكراتيالىق قوعام قۇرامىز دەسەك، بارشامىز ءبىر كىسىدەي اتسالىسقانىمىز ابزال»، - دەدى ساياساتتانۋشى.