كەشە پرەزيدەنتىمىز قاسىم-جومارت كەمەل ۇلى توقايەۆ رەفەرەندۋم قورىتىندىسى بويىنشا قازاقستان حالقىنا ۇندەۋ جاسادى.
بۇل تۋرالى «AMANAT» پارتياسى الماتى قالالىق شتابىنىڭ مۇشەسى الماتى قالاسى ءماسليحاتىنىڭ دەپۋتاتى بولات سادىقوۆ ايتتى، دەپ حابارلايدى Almaty-akshamy.kz.
اتا زاڭىمىزعا ۇسىنىلعان وزگەرىستەردى ازاماتتاردىڭ باسىم كوپشىلىگى قولداپ، رەفەرەندۋم اشىق ءارى دەموكراتيالىق ۇردىستەردىڭ ساقتالۋىمەن ءوتتى.
رەفەرەندۋم قورىتىندىسى تالاسسىز ءارى قازاقستان حالقىنىڭ ءادىل پرەزيدەنت، ىقپالدى پارلامەنت پەن ەسەپ بەرەتىن ۇكىمەتى بار مەملەكەتتى باسقاراۋدىڭ جاڭا مودەلىن قۇرۋ باعىتىن قولدايتىنىن ايعاقتايدى.
ءبىز ءۇشىن دامۋدىڭ جالعىز عانا جولى بار. ول – دەموكراتيالىق جول. تەك دەموكراتيالىق جۇيەدە عانا قوعامنىڭ ءاربىر مۇشەسى مەملەكەتتىك ساياساتتى قالىپتاستىرۋدا تەڭ قۇقىققا يە بولا الادى.
ەندى ءبىزدىڭ الدىمىزدا اشىق ءارى ادىلەتتى قوعام مەن ەكونوميكانى قۇرىپ، زاڭناماعا رەفورما جۇرگىزۋ مىندەتى تۇر.
اتا زاڭعا وزگەرىستەر ەنگىزۋ رەفورمالارىمىزدىڭ سوڭعى ساتىسىن ەمەس، العاشقى بەرىك تۇعىرىن بىلدىرەدى. جاڭارتىلعان كونستيتۋسيا نەگىزىندە بيلىكتىڭ بارلىق ينستيتۋتى قىزمەتىنىڭ مەيلىنشە ءتيىمدى مودەلىن قالىپتاستىرادى.
دايەكتى ساياسي جاڭعىرۋ ۇلتتىق ەكونوميكانى دامىتۋعا، ۇلتتىق كاسىپكەرلىكتى نىعايتۋعا ىقپال ەتەدى.
قازاقستاننىڭ دامۋى مەن بىرلىگىن ويلاعان پرەزيدەنتىمىزدىڭ ەل بولاشاعى ءۇشىن العا قويعان ماقساتتارىن جۇزەگە اسىرىپ، ايانباي ەڭبەك ەتەتىنىنە كامىل سەنەمىز. ءبىز مەملەكەت باسشىسىنىڭ ساياسي باعدارىن قولداپ، جاڭا قازاقستاننىڭ بەرىك نەگىزىن قالاۋعا توپتاسىپ، بار كۇش-جىگەرىمىزدى سالۋىمىز قاجەت.
دەمەك، ەلىمىز ءۇشىن، كەلەشەك ۇرپاقتىڭ تاعدىرى ءۇشىن ايانباي ەڭبەك ەتىپ، تەر توككەننەن ارتىق باقىت جوق.
AMANAT پارتياسى پرەزيدەنتتىڭ ساياساتىن جۇزەگە اسىراتىن باستى ساياسي كۇش بولىپ تابىلادى.