حالىقتىڭ 70 پايىزدان استامى تاڭداۋ جاساعان ەكەن. ازاماتتارىمىزدىڭ بەلسەندىلىگى قۋانتادى.
بۇل تۋرالى «AMANAT» پارتياسى الماتى قالالىق شتابىنىڭ مۇشەسى، پارتيانىڭ ميراس قوعامدىق ايماقتىق كەڭەسىنىڭ ءتورايىمى قاراگوز سۇلەيمەنوۆا ايتتى، دەپ حابارلايدى Almaty-akshamy.kz.
كەشە مەملەكەت باسشىسى قاسىم-جومارت توقايەۆ رەفەرەندۋم قورىتىندىسى بويىنشا ۇندەۋ جاسادى. الداعى جۇمىستاردىڭ باعىتىن ايتىپ ءوتتى. سونىڭ ىشىندە:
- پرەزيدەنتىمىزدىڭ “ەندى ءبىزدىڭ الدىمىزدا اشىق ءارى ادىلەتتى ەكونوميكا قۇرىپ، زاڭناماعا رەفورما جۇرگىزۋ مىندەتى تۇر. قولدان جاسالعان مونوپوليالاردى تۇبەگەيلى جويىپ، سىبايلاس جەمقورلىققا توسقاۋىل قويۋ ماڭىزدى. ءبىز كاسىپكەرلەردىڭ باستامالارىنا قولداۋ كورسەتىپ، جەكەمەنشىكتى ساقتاپ، باسەكەلەستىكتى كۇشەيتۋىمىز كەرەك.”-كەرەك دەگەن باستاماسى ايرىقشا ۇنادى. ءقازىر حالىقتىڭ تۇرمىسىن كوتەرۋ، ەكونوميكالىق جاعدايىن جاقساريۋ ماڭىزدى. وسى باعىتتاعى جۇمىستاردىڭ اشىقتىعىن باقىلاۋدى، جەمقورلىقتى بولدىرماۋدى الدىن الا تاپسىردى. ناق كەرەك شارۋا دەپ ويلايمىن.
- ودان كەيىن پرەزيدەنتىمىز «بيۋروكراتيادان بارىنشا ارىلتۋ ءۇشىن جۇيەلى جۇمىس جالعاسادى. ءبىز قوعامنىڭ بارلىق وكىلدەرىنىڭ تالاپ-تىلەكتەرىنە جاۋاپ بەرەتىن وزىق مەملەكەت قۇرۋىمىز كەرەك» -دەدى. حالىقتىڭ ۇنىنە قۇلاق اسۋ ءۇردىسى كۇشەيەدى.
- “مەملەكەتتىك قىزمەت دەگەنىمىز – جەكە باستىڭ باق-داۋلەتىن ارتتىراتىن جەر ەمەس. بۇل – تۋعان حالقىڭنىڭ الدىندا ايرىقشا جاۋاپكەرشىلىك ارقالاۋ دەگەن ءسوز.” بۇل دا كەشەگى ۇندەۋدە قاسىم-جومارت توقايەۆتىڭ ايتقان ءسوزى. مەملەكەت ىسىندەگى ءار قىزمەتكەر قالتا ءۇشىن ەمەس، حالىق ءۇشىن جۇمىس ىستەيدى. بۇل دا قازىرگى وزەكتى پروبلەمالارىمىزدىڭ ءبىرى ەدى.
- پرەزيدەنتىمىزدىڭ سوزىمەن تۇيىندەسەم: “جاڭا قازاقستاننىڭ ەڭ باستى بايلىعى – حالىق. ال، ەڭ نەگىزگى ماقساتى – ازاماتتاردىڭ باقىتتى ءومىر ءسۇرۋىن قامتاماسىز ەتۋ. ءاربىر ازاماتىمىز ساياسي وزگەرىستەر مەن ەكونوميكالىق ءوسىمنىڭ جەمىسىن كورۋى قاجەت. قۇرعاق ۋادە مەن بوس ءسوز ەشقايدا اپارمايدى. مەن ءۇشىن ناقتى ءىس پەن شىنايى وزگەرىس بارىنەن ماڭىزدى.
حالىقتان اسقان بيىك جوق. وسى جولدا پرەزيدەنتىمىزدى قولدايىق
ەلىمىزدىڭ وركەندەۋ جولىندا جاڭا ءداۋىر قايىرىمەن كەلسىن. ەل دامۋىنا ءار ازامات ءبىر جەڭنەن قول، ءبىر جاعادان باس شىعارىپ اتسالىسايىق. ەلىمىزدىڭ تاۋەلسىزدىگى ماڭگى بولسىن.