ستامبۇلداعى 40 مىڭ ادامدىق بەشىكتاش ستاديونىندا ديماش قۇدايبەرگەننىڭ كونسەرتى ءوتتى.
ەرەكشە كەشكە الەمنىڭ قىرىق ءبىر ەلىنەن ونەرپازدىڭ جانكۇيەرلەرى جينالدى. كونسەرتتە ديماش ءوزىنىڭ بۇرىننان بەلگىلى حيت اندەرىمەن قاتار جاڭا تۋىندىلاردى دا شىرقادى. ءانشىنىڭ وتىز جاسقا تولعان مەرەيتويىنا وراي «بەيتانىس» اتتى ءان كەشىن ۇيىمداستىرعان «RAMS KAZAKHSTAN» حالىقارالىق كومپانياسى، دەپ حابارلايدى Almaty-akshamy.kz.
ديماشتىڭ ستامبۇلداعى كونسەرتىنە الەمنىڭ ءار تۇكپىرىنەن جينالعان جانكۇيەرلەرى ادەتتەگىدەي ونەرپازبەن بىرگە ءان شىرقاپ، وعان ەرەكشە قولداۋ كورسەتتى.
وسى ادەمى كەشتى ۇيىمداستىرعان رامس گلوبال 1988 جىلى قۇرىلىس كومپانياسى رەتىندە قۇرىلعان. 1997 جىلدان بەرى قازاقستان نارىعىندا جۇمىس ىستەيدى. بۇگىندە ول مەديا، تۋريزم، مەديسينا سياقتى سەگىز ءتۇرلى باعىتتا جۇمىس ىستەيتىن الپاۋىت حالىقارالىق كومپانياعا اينالدى.
ەۆگەنيا قوجاحمەت،«RAMS QAZAQSTAN» كومپانياسىنىڭ PR ديرەكتورى:
«RAMS QAZAQSTAN» كومپانياسى بۇگىنگە دەيىن تۇرعىن ءۇي جانە كوممەرسيالىق نىساندار سالۋمەن تانىلعان ەدى. ءبىز ءقازىر تەك قۇرىلىس ەمەس، الەۋمەتتىك جانە مادەني جوبالاردى دا جۇزەگە اسىرىپ كەلەمىز. اسىرەسە قازاق ونەرىن شەتەلدە تانىتۋ ءۇشىن كوپتەگەن اۋقىمدى جۇمىستار اتقاردىق. ديماشتىڭ بۇگىنگى كونسەرتى سونىڭ ايعاعى.
تەك الماتىدا 60-تان اسا نىسان سالعان «RAMS QAZAQSTAN» كومپانياسى بۇگىندە گەرمانيا، رەسەي، بىرىككەن اراب امىرلىكتەرى سياقتى التى ەلدە جوبالارى بار. سونداي-اق سوڭعى جىلدارى مەديا سالاسىنا دا ىلكىمدى ىستەردى قولعا الدى.
جەم جيريتدجي، «RAMS QAZAQSTAN» كومپانياسى باس ديرەكتورىنىڭ ورىنباسارى:
قازاقستاننىڭ تانىمال ونەر ادامدارىن تۇركياعا اكەلىپ، ءبىزدىڭ جۇلدىزداردى قازاقستانعا اپارۋ جوسپارىمىز بار. سونىمەن قاتار «گەين مەديا» اتتى پلاتفورمامىز دا بار. بۇل پلاتفورمادا ءتۇرلى سەريال، فيلم جانە دەرەكتى فيلمدەر كورسەتىلەدى. كەلەشەكتە «گەين مەديا» قازاقستان نارىعىندا دا جۇمىس ىستەي باستايدى.
«RAMS QAZAQSTAN» - الەۋمەتتىك جاۋاپكەرشىلىگى مول كومپانيا. زاماناۋي تەحنولوگيالاردى پايدالانا وتىرىپ سالعان مەكتەپ، ەمحانا، ساياباق سياقتى نىساندارى بۇگىندە حالىق يگىلىگىنە جۇمىس ىستەپ تۇر.