قازاقستان قۇراماسىنىڭ 27 جاستاعى تاجىريبەلى جارتىلاي قورعاۋشىسى رامازان ورازوۆ رەسمي تۇردە «ەلىماي» كلۋبىنىڭ ويىنشىسى اتاندى، - دەپ حابارلايدى Aqshamnews.kz.
رامازان جاڭا ماۋسىمعا ارنالعان كەلىسىمشارتقا قول قويدى. ول وتكەن ماۋسىمدا دانيانىڭ «سيلكەبورگ» كلۋبىنىڭ قۇرامىندا ويناعان ەدى. ماۋسىمنىڭ ەكىنشى جارتىسىندا «ەلىمايعا» جالعا بەرىلدى. سەمەيلىك كلۋبتا فۋتبولشى 820 مينۋت الاڭدا بولىپ، 2 گول، 2 ناتيجەلى پاسىمەن كوزگە ءتۇستى.
- تۇراقتى ءارى ناتيجەلى ويىن ورنەگىن كورسەتكەن ويىنشى جانكۇيەرلەردىڭ سەنىمىنە يە بولدى. ناتيجەسىندە كلۋب جازعى ترانسفەرلىك كەزەڭدە فۋتبولشىنىڭ كەلىسىمشارتىن تولىقتاي ساتىپ الدى، - دەپ جازىلعان حابارلامادا.
رامازان ورازوۆ 1998 جىلى الماتى قالاسىندا دۇنيەگە كەلگەن. 2018 جىلدان بەرى قازاقستاندىق «قايرات»، «اقتوبە»، «اقسۋ»، «توبىل»، لاتۆيانىڭ «داۋگاۆپيلس»، رەسەيدىڭ «چايكا»، سلوۆەنيانىڭ «كوپەر» كلۋبتارىندا وينادى. 2024 جىلدان بەرى دانيانىڭ «سيلكەبورگ» كلۋبىنىڭ نامىسىن قورعادى.
2021 جىلدان بەرى قازاقستان ۇلتتىق قۇراماسى ساپىنا 37 كەزدەسۋدە 1 گول سوعىپ ۇلگەردى.
«ەلىماي» كلۋبى بيىل قازاقستان پرەمەر-ليگاسىندا 48 ۇپايمەن ءتورتىنشى ورىنعا تابان تىرەدى. الداعى جىلى UEFA كونفەرەنسيا ليگاسىندا ب ا ق سىنايدى.