كەلەسى جىلى قازاقستاندا تاعى التى جول ۋچاسكەسى اقىلى بولادى.
ولاردىڭ جالپى ۇزىندىعى 1،8 مىڭ شاقىرىمدى قۇرايدى، دەپ حابارلايدى Aqshamnews.kz.
2026 جىلى اقىلى بولاتىن جولدار:
- قاراعاندى – بالقاش: 363 شاقىرىم؛
- بۋرىلبايتال – كۇرتى: 228 شاقىرىم؛
- اقتوبە – قاندىاعاش: 96 شاقىرىم؛
- تالدىقورعان – وسكەمەن: 768 شاقىرىم؛
- اتىراۋ – استراحان: 277 شاقىرىم؛
- مەركى – شۋ: 78 شاقىرىم.
كولىك مينيسترلىگىندە 2026 جىلى تاريفتەردى وزگەرتۋ جوسپاردا جوق ەكەنىن ايتتى.
تولەم تاسىلدەرى وزگەرىسسىز قالادى. بيۋدجەتكە تۇسەتىن سالماقتى ازايتۋ جانە ءوزىن-وزى اقتاۋدى قامتاماسىز ەتۋ ماقساتىندا رەكونسترۋكسيالاۋ جانە جوندەۋ جۇمىستارى اياقتالعان ۋچاسكەلەردە اقىلى جۇيە ەنگىزىلەدى، – دەلىنگەن حابارلامادا.
زاڭ بويىنشا ارنايى كولىكتەر قىزمەتتىك مىندەتتەرىن ورىنداۋ كەزىندە اقىلى جولدارمەن تەگىن جۇرە الادى. مىسالى جەدەل جاردەم، ءورت ءسوندىرۋ قىزمەتى، پوليسيا جانە باسقالار.
سونداي-اق، جەڭىلدىكتەرگە تۇراقتى جولاۋشىلار تاسىمالىمەن اينالىساتىن اۆتوبۋستار يە. ال جەرگىلىكتى تۇرعىندار مەن ۇيىمداردىڭ جەڭىل اۆتوموبيلدەرى ءوز اۋدانى ىشىندەگى اقىلى جولمەن تەگىن جۇرە الادى.