قاسيەتتى رامازان ايى كەلدى.
قازاقستان مۇسىلماندارى ءدىني باسقارماسى شاريعات جانە ءپاتۋا ءبولىمىنىڭ مامانى ەلبەك تاسبولاتۇلىنان ورازانى بۇزاتىن جانە بۇزبايتىن جاعدايلار تۋرالى ساۋالدارعا جاۋاپ الىندى، دەپ حابارلايدى aqshamnews.kz.
- تۇكىرىگىن جۇتۋ
ورازا كەزىندە ادام تۇكىرىگىن دە، سىلەكەيىن دە جۇتا الادى، ورازاعا كەدەرگىسى جوق.
- ءتىس جۇلدىرۋ
ەگەر قاجەتتىلىك بولسا، ءتىستى جۇلدىرۋ كەرەك. ءبىراق، مۇمكىندىگىنشە اۋىزاشارعا قالدىرعار ابزال، ويتكەنى ءتىس جۇلدىرعاندا نەمەسە ەمدەتكەندە كوبىنە سىرتتان ءارتۇرلى زاتتار نەمەسە سۋ جۇتىپ قويۋ ءقاۋپى جوعارى. ەگەر جۇتىنىپ قويسا، ءبىر كۇندىك قازانى وتەيدى.
- دۋشقا جانە باسسەينگە ءتۇسۋ
ورازا كەزىندە دۋشقا تۇسۋگە بولادى، ءبىراق دۋشتىڭ بۋلانىپ كەتۋىنەن ساق بولعان ءجون. باسسەينگە باسپەن سۇڭگىمەي شومىلۋعا بولادى، ويتكەنى سۋ استىنا سۇڭگۋ ۇنامسىز ءىس سانالادى.
- ماسساجعا بارۋ
دەنەنىڭ سىرتقى جاعى بولعاندىقتان، دەنەگە ماي جاعۋدىڭ ورازاعا كەدەرگىسى جوق. ماسساج جاساتا بەرۋگە بولادى. ال ماسساج جاسايتىن ماماندار وزدەرى قاتتى السىرەپ، ورازادا قينالىپ قالمايتىنداي، مۇمكىندىگىنشە اۋىر جۇمىس ىستەمەگەنى ابزال. جالپى بۇل جۇمىستىڭ ورازاعا كەلىپ كەتەرى جوق.
- پلاستيكالىق وتا
پلاستيكالىق حيرۋرگيا ورازاعا تىكەلەي قاتىستى ەمەس. ەگەر پلاستيكالىق وتا كەزىندە اۋىرسىنۋدى باساتىن ءدارى ەكسە، ورازاعا كەدەرگىسى جوق. مۇنداي ۋكول ورازانى بۇزبايدى.
- كاليان شەگۋ جانە تەمەكى ءتۇتىنىن جۇتۋ
كاليانعا رامازان ايىندا عانا ەمەس، جاي كۇندەرى دە تىيىم سالىنادى. ال ورازا كەزىندە ءتىپتى بولمايدى، ويتكەنى ءتۇتىندى ادەيى جۇتۋ – ورازانى بۇزاتىنداردىڭ قاتارىندا. تەمەكى تارتۋ نەمەسە شىلىم شەككەن ادامنىڭ قاسىندا ادەيى تۇرۋ، سول ارقىلى ءتۇتىندى جۇتۋ ورازانى بۇزادى. ەگەر كوشەدە تەمەكى تارتقان ادامنىڭ جانىنان وتكەندە ەرىكسىز تەمەكى ءتۇتىنىن جۇتىپ قويساڭىز، بۇل جاعدايدا ورازاڭىز بۇزىلمايدى.
- قىز بەن جىگىتتىڭ الەۋمەتتىك جەلىدە حات جازىسۋى
ورازاعا تىكەلەي قاتىسى جوق. شاريعاتتا ۇيلەنۋ نيەتىندە جازىپ جاتىر ما، جوق پا سوعان قارايدى. ەگەر ۇيلەنۋ نيەتىندە بولماي، كۇنا ىستەپ جاتسا، ول ورازا ايىندا بولسىن، باسقا كۇندەرى بولسىن كۇنا بولىپ ەسەپتەلەدى.
- بالاعات سوزدەر ايتۋ
ادام ورازانىڭ ساۋابىن ساقتاۋ ءۇشىن جامان سوزدەردەن اۋلاق بولۋى كەرەك. قاسيەتتى ايدا ادەيى بوقتاۋ ورازانى بۇزباسا دا، ونىڭ ساۋابىن كەمىتەدى دەپ ەسەپتەيمىز. بايقاۋسىزدا بوقتاۋ – بۇل دا جامان ادەت.
- ۇياتتى ۆيدەو، فيلم كورۋ
ۇياتسىز فيلم كورۋ – جالپى تىيىم سالىنعان امال. كۇنا سانالادى، ورازادا ادامنىڭ ساۋابىن كەمىتەدى، ءتىپتى ساۋاپسىز قالۋى مۇمكىن. سوندىقتان ورازا كەزىندە مۇنداي ارەكەتتەردەن تىيىلۋ كەرەك. ورازانىڭ ءبىر ماقساتى – ادامدى ءوز-وزىن تاربيەلەۋگە سەبەپكەر بولاتىن امال-قۇلشىلىق جاساۋ.
- ماكياج جانە مانيكيۋر جاساتۋ
ورازاعا تىكەلەي قاتىسى جوق. سەبەبى مۇنداي نارسەلەر دارەتكە كەدەرگى بولسا دا، ورازاعا كەدەرگى بولمايدى.
- قىزمەت بارىسىندا نەمەسە وتباسىلىق جاعدايدا اشۋلانۋ، داۋلاسۋ، سوزگە كەلۋ
بۇلار ورازانى بۇزبايدى، ءبىراق ساۋاپتى ازايتادى.
- بانكتەن كرەديت الۋ
بانكتەن نەسيە الۋعا جالپى رۇقسات ەتىلمەگەن، ال ورازادا ساۋابىن ازايتۋعا سەبەپ بولىپ قالادى. سوندىقتان رامازان ايىندا بويىمىزدى كۇنادان بارىنشا اۋلاق ۇستاپ، ورازادان كەيىن دە سونى جالعاستىرۋعا تىرىسقان ءجون.