رامازان ايىنىڭ باسى راقىم، ورتاسى كەشىرىم، سوڭى توزاقتان ازاتتىققا سەبەپشى.
قاسيەتتى رامازان ايى ون ەكى ايدىڭ سۇلتانى، مۇحاممەد پايعامبارىمىزدىڭ (س.ا.ۋ.) ۇممەتىنىڭ ايى.
رامازان ايىندا مۇسىلماندار كۇندىز اۋىز بەكىتىپ، تۇنىندە تاراۋيح نامازىن وقيدى.
رامازان – قۇران كارىم ايى. سوندىقتان قۇران كارىم وقي الاتىندار بۇل ايدا قۇراندى حاتىم ەتۋى كەرەك. (قۇران كارىم وقۋدى بىلمەيتىندەر وسى ايدى مۇمكىندىك دەپ ۇيرەنۋگە تالاپ قىلۋ كەرەك).
رامازان ايىنىڭ العاشقى كەشى (شاعبان ءشارىپتىڭ سوڭعى كۇنىن رامازان كۇنىنىڭ العاشقى كۇنىنە اۋعان ءتۇن) شام مەن قۇپتان اراسىندا «ۋا، راببىم! رامازان ايىنا جەتكىزگەنىڭ ءۇشىن» - دەپ نيەت ەتىپ ەكى راكاعات شۇكىر (العىس) نامازى وقىلادى.
فاتيحا سۇرەسىنەن كەيىن ءبىرىنشى راكاعاتتا ءبىر «كاۋسار»، ەكىنشى راكاعاتتا ءبىر «ىقىلاس» سۇرەسىن وقيدى.
نامازدان كەيىن يستيعفار، سالاۋات (سالاتى ءمۇنجيا وقۋ ابزال) وقىپ دۇعا جاسايدى.
العاشقى ون كۇندە شاماسى كەلگەندەر ءتاسبيح نامازىن وقىپ، ءانبيا حاتىمى جاسايدى.
ەكىنشى ون كۇندە دە شاماسى كەلگەندەر ءتاسبيح نامازىن وقىپ، ءانبيا حاتىمىن جاسايدى.
ءۇشىنشى ون كۇندە تاۋبە، يستيعفار، ءانبيا حاتىمى جانە سالاۋات كەيىن يستيعفار حاتىمىن جاساپ، سوڭىنان دۇعا جاسالادى.
اۋىز اشارعا جاقىنداعاندا «ءاللاھۋمما ءيا ءۋاسيعال-ماعفيراتي عفيرلي» - دۇعاسىن وقيدى.
اۋىز اشاردا «ءاللاھۋمما لاكا سۋمتۋ ءۋا بيكا ءامانتۋ ءۋا عالايكا تاۋاككالتۋ ءۋا ءعالا ريزقيكا ءافتارتۋ ءۋا ءساۋما عادين ءناۋايتۋ» نەمەسە؛ «ءزاھباز ءزاماۋ ءۋابتاللاتيل ۋرۋقۋ ءۋا ءساباتال ءاجرۋ ين ءشا اللاھۋ تاعالا» - دۇعاسى وقىلادى.