ۇكىمەتتەگى كادر ساياساتى پرەزيدەنتتىڭ قۇزىرىندا.
قازاقستان پرەزيدەنتى قاسىم-جومارت توقايەۆ كۇزگە قاراي ۇكىمەتتە كادرلىق شەشىمدەر بولۋى مۇمكىن ەكەنىن ايتتى. بۇل جايىندا مەملەكەت باسشىسى ۇكىمەتتىڭ كەڭەيتىلگەن وتىرىسىندا ايتقان بولاتىن. تانىمال قازاقستاندىق ەكونوميست، ءارى «تۇران» ۋنيۆەرسيتەتىنىڭ رەكتورى راحمان الشانوۆ ۇكىمەتتەگى كادر ساياساتى پرەزيدەنتتىڭ قۇزىرىندا ەكەنىن ايتتى، دەپ حابارلايدى Almaty-akshamy.kz.
ساراپشىنىڭ پىكىرىنشە، ۇكىمەتتە ەڭبەكقور ادامدار وتىرۋى ءتيىس.
«ۇكىمەتتەگى كادر ساياساتى پرەزيدەنتتىڭ قۇزىرىنداعى دۇنيە. ول كادرلىق شەشىمدەر كۇزدە قابىلدانۋى مۇمكىن ەكەنىن ايتتى. ۇكىمەت مۇشەلەرىنىڭ قۇرمەتتى ءارى جاۋاپتى قىزمەتتەرىندە كۇندىز-تۇنى تىنىمسىز جۇمىس ىستەيتىن ازاماتتار ءجۇرۋى ءتيىس، دەپ ەسەپتەيمىن. ەۋروپا استانالارىندا «مينيسترلىك تۋريزممەن» اينالىسپاي، ايماقتاردى ارالاپ، حالىقتىڭ تىنىس-تىرشىلىگىمەن تانىسىپ، حالىق پەن بيزنەستى قولداۋ ءۇشىن نە ىستەۋ كەرەكتىگىن انىقتاۋى ءتيىس»، - دەيدى راحمان الشانوۆ.