قالالىق Cafe Central جانە Roma Caffe كافەلەرىنىڭ ديرەكتورى رادوۆان سيمونوۆيچ بۇل كافەلەرگە اي سايىن شامامەن 15 مىڭ تۇرعىن كەلەتىنىن ايتتى. قازىرگى ۋاقىتتا بارلىق كەلۋشىلەر Ashyq قوسىمشاسىنا تۇسىنىستىكپەن قارايدى.
الماتى قالاسىنىڭ وڭىرلىك كوممۋنيكاسيالار قىزمەتىنە بەرگەن سۇحباتىندا رادوۆان سيمونوۆيچ Ashyq جوباسى كوروناۆيرۋستىڭ تارالۋىن بولدىرماۋدىڭ ەڭ جاقسى قۇرالى ەكەنىن، سونىمەن قاتار كوپتەگەن كاسىپكەرلەرگە ءوز بيزنەسىن ساقتاۋعا كومەكتەسەتىنىن باسا ايتتى دەپ حابارلايدى almaty-akshamy.kz
«قوسىمشانىڭ كوپتەگەن ارتىقشىلىقتارى بار. بىرىنشىدەن، بۇل بىزگە، ءبىزدىڭ قىزمەتكەرلەرگە جانە كەلۋشىلەرگە قاتىستى قاۋىپسىزدىكتى قامتاماسىز ەتەدى. ەكىنشىدەن، بۇل بىزگە جۇمىس جاساۋعا مۇمكىندىك بەرەدى، ۇشىنشىدەن، بىزدە ەپيدەميولوگيالىق قاۋىپسىزدىكتى ساقتاۋعا، ادامداردى ءىس جۇزىندە تەكسەرۋگە جانە قاۋلى اياسىندا جۇمىس جاساۋعا مۇمكىندىك بار»، - دەيدى ەكى كافە ديرەكتورى.
رادوۆان سيمونوۆيچ Cafe Central مەن Roma Caffe مەگاپوليستەگى Ashyq جوباسىنىڭ العاشقى قاتىسۋشىلارىنىڭ ءبىرى بولعانىنا وتە قۋانىشتى ەكەنىن ايتادى. قوسىمشا مامىر-ماۋسىم ايلارىندا قاتاڭ كارانتين كەزىندە جۇمىسىن جالعاستىرۋعا كومەكتەستى. ونىڭ ۇستىنە كەلۋشىلەردىڭ تومەندەۋى سەزىلمەدى.
«ءيا، باستاپقىدا قوناقتار ءار ءتۇرلى قابىلدادى. جوبامەن جۇمىس بارىسىندا ءبىز «سارى» مارتەبەسى بار ادامداردى ءۇش رەت جانە ءبىر رەت «قىزىل» مارتەبەسى بار ادامداردى انىقتادىق. مۇنداي جاعدايلاردا ءبىز ولارعا قىزمەت كورسەتە المايتىنىمىزدى تۇسىندىردىك، ويتكەنى ءبىز ءبىرىنشى كەزەكتە قىزمەت كورسەتۋ سالاسىنا جاتامىز. قوسىمشا بىزگە ءوز بيزنەسىمىزدى ساقتاۋعا كومەكتەستى جانە اۋرۋ جۇقتىرعانداردى انىقتاۋدىڭ ەڭ جاقسى قۇرالى بولىپ تابىلادى»، - دەدى رادوۆان سيمونوۆيچ.
Ashyq كوشباسشى-نىسانىنىڭ وكىلى ەكى كافەدە 61 ادام جۇمىس جاسايتىنىن جانە قىزمەتكەرلەردىڭ جالپى سانىنىڭ 89%-ى ءقازىردىڭ وزىندە ەكپە العانىن ايتتى. قالعاندارى مەديسينالىق سەبەپتەرگە بايلانىستى نەمەسە 18 جاسقا تولماعاندىقتان ەكپە الماعان.
«ءبىز قالانىڭ جوعارى وقۋ ورىندارىمەن جۇمىس جاسايمىز، سوندىقتان بىزدە ءالى 18 جاسقا تولماعان ستۋدەنتتەر جۇمىس جاسايدى. قالعان قىزمەتكەرلەردىڭ بارلىعى ىڭعايلى بولعاندىقتان، «دوستىق پلازا» سوسو-نىڭ ەكپە پۋنكتىندە ۆاكسينالاندى»، - دەدى رادوۆان سيمونوۆيچ.
ەكى قالالىق كافە وكىلىنىڭ ءوزى دە ساۋىردە ەكپە العان. جانە ول ءوزىن سەنىمدى سەزىنەدى، سەبەبى ول ەكپە اۋرۋدىڭ اۋىر تۇرىنەن قورعاي الاتىنىنا سەنەدى.
«مەنىڭ ويىمشا، جەكە ءتارتىپ، جاۋاپكەرشىلىك جانە دەنساۋلىقتى نىعايتۋ – اركىمنىڭ جەكە ءىسى. ءار ادام ۆاكسيناسيادان ءوتۋى كەرەك، اركىم ءوز دەنساۋلىعى تۋرالى ويلانۋى كەرەك دەپ ويلايمىن. ءبارىمىز جاقىندارىمىزدىڭ دەنساۋلىعىنا مۇمكىندىگىنشە قامقورلىق جاساۋىمىز كەرەك. ۆاكسينالارعا سەنۋ كەرەك، كوڭىلدى بولۋ كەرەك»، - دەپ قورىتىندىلادى ءدامحانا ديرەكتورى.
ەسكە سالساق، الماتىدا Ashyq جوباسىنىڭ 8 306 قاتىسۋشى بار، ال ەرىكتى قاتىسۋشىلار – 11 812 نىسان. Ashyq جوباسىنىڭ كوشباسشىلارىنىڭ سانى- 281. 28 ءساۋىر مەن 15 تامىز ارالىعىندا الماتى قالاسىندا «قىزىل» مارتەبەسى بار 387 جەكە تۇلعاعا وقشاۋلاۋ رەجيمىن بۇزعانى ءۇشىن 30 اەك مولشەرىندە ايىپپۇل سالىندى.