دەپۋتات ەدىل ءجاڭبىرشيننىڭ ايتۋىنشا، بۇل زاڭ جوباسى راديواكتيۆتى قالدىقتارمەن جۇمىس ىستەۋ سالاسىنداعى قۇقىقتىق نەگىزدەر مەن قاعيداتتاردى بەلگىلەۋگە باعىتتالعان.
"زاڭ جوباسىندا راديواكتيۆتى قالدىقتاردى جىكتەۋ، ولارمەن جۇمىس ىستەۋدى مەملەكەتتىك رەتتەۋ، ازاماتتاردىڭ، قوعامدىق بىرلەستىكتەر مەن ۇيىمداردىڭ قۇقىقتارى مەن مىندەتتەرى قاراستىرىلعان. سونىمەن قاتار، حالىقارالىق تاجىريبەگە سايكەس، راديواكتيۆتى قالدىقتارمەن جۇمىس ىستەۋ بويىنشا ۇلتتىق وپەراتور قۇرۋ كوزدەلگەن. بۇل وپەراتورعا راديواكتيۆتى قالدىقتاردى كومۋ پۋنكتتەرىن سالۋ جانە پايدالانۋ بويىنشا ايرىقشا قۇقىق بەرىلەتىن بولادى"، – دەدى دەپۋتات.
ونىڭ ايتۋىنشا، زاڭنامالىق قايشىلىقتاردى جويۋ ماقساتىندا ىلەسپە زاڭ جوباسى اياسىندا ەكولوگيالىق كودەكسكە، اتوم ەنەرگياسىن پايدالانۋ تۋرالى جانە رۇقساتتار مەن حابارلامالار تۋرالى زاڭدارعا تۇزەتۋلەر ەنگىزۋ ۇسىنىلادى.
سونىمەن قاتار:
"جەكەلەگەن تالاپتارعا سايكەس، جەراستى بايلىقتارى جانە جەر قويناۋىن پايدالانۋ تۋرالى كودەكسكە دە وزگەرىستەر ەنگىزىلەدى. بۇل زاڭ جوبالارىن قابىلداۋ راديواكتيۆتى قالدىقتارمەن ءقاۋىپسىز ءارى ءتيىمدى جۇمىس جۇرگىزۋگە، سونداي-اق قورشاعان ورتا مەن حالىق دەنساۋلىعىنا تونەتىن قاۋىپ-قاتەرلەردى ازايتۋعا مۇمكىندىك بەرەدى"، – دەدى ءماجىلىس دەپۋتاتى.