الماتىداعى قوعامدىق كەڭەستىڭ ءتوراعاسى، اكادەميك، پروفەسسور، "تۇران" ۋنيۆەرسيتەتىنىڭ رەكتورى راحمان الشانوۆ قازاقستاندىقتاردى استانا كۇنىمەن قۇتتىقتادى.
ر. الشانوۆ استانا - بارشا حالىقتىڭ جەتىستىگى دەي كەلە، ەلباسىمىز – تۇڭعىش پرەزيدەنت ن. نازاربايەۆتىڭ باستاماسىمەن پايدا بولعان نۇر-سۇلتان قالاسىنا دەگەن سۇيىسپەنشىلىگى تۋرالى ايتتى.
"قازاقستاندى بۇكىل الەم بىلەدى. ءبىز ماقتان تۇتاتىن نارسە بار، جاستار تاريحتى ءبىلۋى كەرەك. استانانىڭ جانىندا ارحەولوگتار ەجەلگى شاعىن بوزاق قالاسىن قازىپ جاتىر. سول جىلدان بەرى بۇگىنگى استاناعا دەيىن حالقىمىز ۇلكەن سەرپىلىس جاسادى"، — دەدى ول.
"تاۋەلسىز مەملەكەتتىڭ جاڭا استاناسىنىڭ قۇرىلىسى بارلىق قازاقستاندىقتار ءۇشىن سىن-تەگەۋرىنگە اينالدى. استانا قازاقستاننىڭ دامىعان ەلدەرىنىڭ قاتارىنا قوسىلۋىنىڭ جارقىن ماتەريالدىق مىسالى. ءبىز مۇنى بىرگە جاساي الامىز. نۇر-سۇلتان - بارشا حالقىمىزدىڭ جەتىستىگى. الماتىلىقتار جاڭا استاناعا العاشقىلاردىڭ ءبىرى بولىپ كەلىپ، ونىڭ قالىپتاسۋىنا ءوز ۇلەسىن قوسقانىن اتاپ ءوتۋ قاجەت. ساۋلەتشىلەر مەن قۇرىلىسشىلار، مۇعالىمدەر مەن دارىگەرلەر ونىڭ دامۋى ءۇشىن يگىلىكتى شارۋا جاساۋعا تىرىستى. الماتى – بيۋدجەتى جاعىنان رەسپۋبليكاداعى ەڭ ءىرى قالا. نۇر-سۇلتان دا قازىنانى تولتىرۋعا ءوز ۇلەسىن قوسۋدا. قالانىڭ بولاشاعى زور، ول ءبىزدى ۇلى جەتىستىكتەرگە، ۇلى ەرلىكتەرگە جەتەلەيدى دەپ سەنەمىن"، – دەدى قوعامدىق كەڭەستىڭ ءتوراعاسى ر. الشانوۆ.