ساياسي ماڭىزدى شارا ق ر «سايلاۋ تۋرالى كونستيتۋسيالىق» زاڭىنا سايكەس وتكىزىلىپ جاتىر. ساعات 7.00-دەن باستاپ ارال اۋدانىنىڭ جەتەس بي، قازالى اۋدانىنىڭ كولارىق، قىزىلقۇم، بىرلىك اۋىلدارىندا ورنالاسقان №16، 74، 78، 79، 80 سايلاۋ ۋچاسكەلەرى اشىلدى.
«وسى اۋىلدىڭ تۇرعىنى عانا ەمەس، جاناشىر اقساقالى رەتىندە اۋىل اكىمدەرىنىڭ سايلاۋىنا ەرەكشە ءمان بەرەمىز. پرەزيدەنت باستاماسىمەن اۋىل اكىمدەرىن تىكەلەي سايلاۋعا مۇمكىندىك تۋدى. دۇرىس بولدى. ىسكەر، بەلسەندى ازاماتتىڭ اۋىل اكىمى بولعانىن قالايمىز. سول ءۇشىن دە تاڭ سارىدەن ەرتە تۇرىپ داۋىس بەرۋگە اسىقتىم»، - دەيدى ارالدىق قاريا ەرمەك اقمىرزايەۆ
ارال اۋدانى جەتەس بي اۋىلدىق وكرۋگىندە 341 سايلاۋشى تىركەلسە، كولارىق اۋىلىندا 902، قىزىلقۇم وكرۋگىندە 737، بىرلىك اۋىلىندا 395 سايلاۋشى بار.
اۋىل اكىمى بولۋعا نيەتتى بارلىعى 12 كانديدات سايلاۋعا ءتۇستى. ءاربىر وكرۋگتە 3 ازامات كانديدات رەتىندە ب ا ق سىناپ جاتىر.
ەسكە سالايىق، جىل باسىنان بەرى قىزىلوردا وڭىرىندە 17 اۋىلدىڭ اكىمى سايلاندى. ال، جىل سوڭىنا دەيىن ايماقتا تاعى 12 اۋىل اكىمىنىڭ سايلاۋى وتكىزىلەدى.