قىزىلوردا وبلىسىندا "قىلمىسسىز ءوڭىر - كەمەل كەلەشەك كەپىلى" جوباسى جۇزەگە اسىرىلىپ جاتىر، - دەپ حابارلايدى aqshamnews.kz ءتىلشىسى.
جوبانىڭ ماقساتى – ەلدى مەكەندەردەگى قىلمىس دەڭگەيىن تومەندەتۋ جانە تۇرعىنداردىڭ جايلى ءومىر سۇرۋىنە جاعداي جاساۋ.
بۇل جوبا اياسىندا ءوڭىردىڭ 18 اۋىلى الكوگول ونىمدەرىن ساتۋدان باس تارتتى.
بۇدان بولەك، 107 كاسىپكەرمەن مەموراندۋمعا قول قويىلدى (مەيرامحانالار مەن دۇكەندەردە الكوگول ساتۋ ۋاقىتى شەكتەلدى)، ناتيجەسىمەن سوڭعى 3 جىلدا 35 ەلدى مەكەندە بىردە-بىر قىلمىس تىركەلمەگەن.
قوعامدا "زاڭ مەن ءتارتىپ"يدەولوگياسىن ىلگەرىلەتۋ ماقساتىندا 7 قاراشادا وبلىس پروكۋرورى ريزابەك وجاروۆ الكوگولدەن ەرىكتى تۇردە باس تارتقان جاڭاقورعان اۋدانىنىڭ وزگەنتاۋىلىنىڭ تۇرعىندارىمەن كەزدەسىپ، اۋىل اكىمدەرى مەن ۋچاسكەلىك پوليسيا ينسپەكتورلارىن ماراپاتتادى.
وبلىس پروكۋرورى اۋىل تۇرعىندارىنىڭ، ونىڭ ىشىندە اقساقالداردىڭ بۇل باستامانى جۇزەگە اسىرۋداعى زور ۇلەسىن اتاپ ءوتتى.
جوبا ءوز جالعاسىن تابۋدا، مۇلدەم توزبەۋشىلىك قاعيداتتارىن نىعايتۋ، سونداي-اق زاڭ مەن ءتارتىپتىڭ ساقتالۋى ەرەكشە باقىلاۋدا.