الماتىنىڭ مەدەۋ اۋدانى ايتارلىقتاي وزگەرىپ كەلەدى: كوشە جارىعى جاقسارىپ، اۋلا كوركەيىپ، قوعامدىق كەڭىستىكتەر كوركەيتىلىپ وتىر. ءقازىر 60 اۋلا اۋماعىندا كۇردەلى جوندەۋ جۇمىسى اياقتالۋعا جاقىن. بۇل تۋرالى مەدەۋ اۋدانىنىڭ اكىمى ەركەبۇلان ورازالين وڭىرلىك كوممۋنيكاسيالار قىزمەتىندە ايتتى.
ونىڭ ايتۋىنشا، اۋلالاردا زاماناۋي بالالار جانە سپورت الاڭى ورناتىلىپ، جاڭا شامدار قويىلعان، اعاشتار مەن گۇلزارلار ەگىلگەن. بۇرىن بوس جاتقان اۋماقتار بۇگىندە اۋدان تۇرعىندارى ءۇشىن دەمالىس ايماقتارىنا اينالعان.
بۇدان بولەك، "حالىق قاتىساتىن بيۋدجەت" باعدارلاماسى اياسىندا جالپى قۇنى 2 ملرد تەڭگە بولاتىن 34 جوبا قولعا الىنعان. تۇرعىنداردىڭ باستاماسىمەن 17 اۋلا مەن 13 قوعامدىق كەڭىستىك جاڭارتىلىپ، ءتورت نىساندا اۆتوسۋارۋ جۇيەسى ورناتىلعان.
سونداي-اق، اعىمداعى جوندەۋ جوبالارى دا اياقتالدى: قاراساي باتىر كوشەسىندەگى جۇرگىنشىلەر ايماعى جاڭارتىلىپ، ءۋاليحانوۆ بۋلۆارى اباتتاندىرىلدى. ءقازىر جامبىل اتىنداعى قازاق مەملەكەتتىك فيلارمونياسىنىڭ اۋماعىن جانە ورتالىق مادەنيەت جانە دەمالىس ساياباعىنداعى جازعى ساحنانىڭ قاسبەتىن كورىكتەندىرۋ جۇمىستارى قىزعان.