بۇل جايىندا ورمان شارۋاشىلىعى جانە جانۋارلار دۇنيەسى كوميتەتى ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستان رەسپۋبليكاسىنىڭ قىزىل كىتابىنا ەنگەن تۇركىستان سىلەۋسىنى الماتى قورىعىندا ورناتىلعان فوتوتۇزاققا ءىلىندى.
جىرتقىش سۇتقورەكتى ورتالىق ازيادا عانا كەزدەسەدى. قورىق اۋماعىندا تەڭىز دەڭگەيىنەن 1200 – 2800 مەتر بيىكتىكتە، ارالاس جانە قىلقان جاپىراقتى ورماندا مەكەن ەتەدى.
اتالمىش تەرريتوريادا شامامەن 16 سىلەۋسىن بار. ولار جارتى جىلدىڭ ىشىندە (2021 جىلدىڭ جەلتوقسانىنان 2022 جىلدىڭ مامىر ايىنا دەيىنگى ارالىقتا) 11 رەت فوتوتۇزاققا تۇسكەن.