قىزعالداقتىڭ 18ء-ى قازاقستاننىڭ قىزىل كىتابىنا ەنگىزىلگەن.
بارساكەلمەس قورىعىندا بورششوۆ قىزعالداقتارى گۇلدەدى، دەپ حابارلايدى Almaty-akshamy.kz
بارساكەلمەس قىزىلوردا وبلىسىنىڭ ارال اۋدانىندا ورنالاسقان.
ق ر ەترم ورمان شارۋاشىلىعى جانە جانۋارلار دۇنيەسى كوميتەتى تاراتقان مالىمەت بويىنشا، بورششوۆ قىزعالداعى بارساكەلمەس قورىعىندا گۇلدەدى.
"الەمدە قىزعالداقتىڭ 3000-عا جۋىق ءتۇرى بار. ءبىزدىڭ ەلىمىزدە 35 ءتۇرى وسەدى، 18ء-ى قازاقستاننىڭ قىزىل كىتابىنا ەنگىزىلگەن، ونىڭ ىشىندە بورششوۆ قىزعالداعى دا بار"، - دەلىنگەن ق ر ەترم ورمان شارۋاشىلىعى جانە جانۋارلار دۇنيەسى كوميتەتىنىڭ اقپاراتىندا.
بۇل قىزعالداق – رەسەيلىك بوتانيك يليا گريگوريەۆيچ بورششوۆتىڭ ەسىمىمەن اتالعان ارال تەڭىزى ءوڭىرىنىڭ ەندەميگى. اتالمىش قىزعالداق ءتۇرى بارساكەلمەس قورىعىندا كوپتەپ كەزدەسەدى، ءساۋىر-مامىر ايىندا گۇلدەپ، مامىر-ماۋسىم ايلارىندا جەمىستەنەدى. جەمىسى – ءۇش ۇيالى كوپ تۇقىمدى قاۋاشاق.
