قىزىل كىتاپقا ەنگەن قوس اققۋدى اتقان اڭشى ۇستالدى

بۇلاندى اۋداندىق پوليسيا ءبولىمىنىڭ ۋچاسكەلىك ينسپەكتورلارىمەن جۋراۆليەۆ اۋىلدىق وكرۋگىنىڭ اۋماعىندا رەيدتىك ءىس-شارالاردى وتكىزۋ كەزىندە 67 جاستاعى جەرگىلىكتى تۇرعىننىڭ باسقارۋىنداعى “يج-يۋپيتەر 5” موتوسيكلى توقتاتىلدى، دەپ جازادى Almaty-akshamy.kz Inbusiness.kz-كە سىلتەمە جاساپ.

قۇجاتتار مەن كولىك قۇرالىن تەكسەرۋ كەزىندە پوليسەيلەر موتوسيكل ارباسىنان ەكى كليكۋن – اققۋدىڭ ۇشاسى جانە 12 كاليبرلى “توز 34” تەگىس ۇڭعىلى اڭشىلىق مىلتىعىن تاپتى. ايتا كەتۋ كەرەك، قارۋ ءىىو-دا تىركەلگەن، سونىمەن قاتار اۋىل تۇرعىنىنىڭ ءتيىستى اڭشى كۋالىگى بار.

اقمولالىقتىڭ ايتۋىنشا، قىزىل كىتاپقا ەنگىزىلگەن اققۋلاردى اتۋعا تىيىم سالىنعانىن ول بىلگەن، الايدا قۇستاردى كورگەننەن كەيىن ولاردى اتىپ ولتىرگەن. بۇل فاكت ق ر قك-نىڭ 337-بابى 1-بولىگى بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە ەنگىزىلدى (زاڭسىز اڭ اۋلاۋ).

قاجەتتى تەرگەۋ امالدارى جۇرگىزىلۋدە. پوليسەيلەر ايماقتا سۋدا جۇزەتىن قۇستاردى اۋلاۋعا تىيىم سالىنعانىن ەسكەرتەدى. كليكۋن – اققۋ سانى ازايىپ بارا جاتقان ءتۇر رەتىندە قازاقستان رەسپۋبليكاسىنىڭ قىزىل كىتابىنا ەنگىزىلگەن.