بەس تەكشە مەتر وسىمدىك جويىلعان
جامبىلدا "قىزىل كىتاپقا" ەنگەن وسىمدىكتەردى زاڭسىز كەسكەندەر انىقتالدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
مويىنقۇم اۋدانىنىڭ اۋماعىندا جەدەل الدىن الۋ ءىس-شارالارىن جۇرگىزۋ بارىسىندا تابيعاتتى قورعاۋ پوليسياسىنىڭ ينسپەكتورلارىمەن وبلىستىق ماڭىزى بار اۆتوجولدا جوندەۋ جۇمىستارىن جۇزەگە اسىراتىن ءجشس-نىڭ سەكسەۋىل اعاشتارىن زاڭسىز كەسۋ دەرەگى انىقتالدى.
اتالعان ۇيىم جەرگىلىكتى اتقارۋشى ورگاننىڭ رۇقساتىنسىز جول جيەكتەرى ەنىنىڭ ستاندارتتارىن بۇزعان. بەس تەكشە مەتر "قىزىل كىتاپقا" ەنگەن وسىمدىكتى جويعان.
اتالعان دەرەككە قاتىستى پوليسيا قىزمەتكەرلەرىمەن قازاقستان رەسپۋبليكاسى قىلمىستىق كودەكسىنىڭ 340-بابى 1-بولىگى بويىنشا سوتقا دەيىنگى تەرگەۋ امالدارى باستالدى.
ءقازىر مەملەكەتكە كەلتىرىلگەن شىعىن كولەمى انىقتالۋدا. سوت-بيولوگيالىق ساراپتاما تاعايىندالدى.