بۇل وقيعا جامبىل وبلىسىندا ورىن العان.
جامبىل وبلىسى بويىنشا مەملەكەتتىك كىرىستەر دەپارتامەنتى ەكونوميكالىق تەرگەۋ دەپارتامەنتىمەن بىرلەسىپ جۇرگىزگەن شارالار بارىسىندا ايشا ءبيبى شەكارا بەكەتىندە ەكى اۆتوكولىكتى ۇستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
شەكارا بەكەتىندە كۇدىك تۋعىزعان ەكى قىرعىز ازاماتى ۇستالعان. ي. اتتى ازامات تىزگىندەگەن 07KG133AAG ءنومىرلى «مەرسەدەس» اۆتوكولىگى جانە ب. باسقارىپ كەلە جاتقان № 09KG510AAV «Penault Premium» كولىگى توقتاتىلدى.
اتالعان اۆتوكولىكتەردى تەكسەرۋ بارىسىندا «Parlament» جانە «Antivirus» ماركالى الكوگول ءونىمىنىڭ 25 920 بوتەلكەسىن قازاقستان اۋماعىنا زاڭسىز اكەلۋ فاكتىسى انىقتالدى. بۇل رەتتە الكوگول ونىمدەرىنىڭ بۇل پارتياسى «Big Bon» تەز دايىندالاتىن كەسپە رەتىندە جاسىرىن تاسىمالداندى. الدىن الا قورىتىندى بويىنشا ۇستالعان الكوگول ءونىمى پارتياسىنىڭ جالپى قۇنى - 25 660 800 تەڭگە.
اتالعان فاكتى بويىنشا جامبىل وبلىسى بويىنشا ەكونوميكالىق تەرگەۋ دەپارتامەنتى الكوگول ءونىمىنىڭ زاڭسىز اينالىمىنىڭ جولىن كەسۋ بويىنشا قىلمىستىق ءىس قوزعالدى.