اقمولا وبلىسىندا قىزمەتتىك ءيتتىڭ كومەگىمەن پوليسيا كىسى ولتىرگەن كۇدىكتىنى دەرەۋ ۇستادى، دەپ حابارلايدى Almaty-akshamy.kz Inform.kz-كە سىلتەمە جاساپ.
وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، 6 مامىر ساعات 17:45 شاماسىندا سەلينوگراد اۋداندىق پب كەزەكشى بولىمشەسىنە تالاپكەر اۋىلىندا ەر ادامنىڭ دەنەسى تابىلعانى تۋرالى حابار تۇسەدى. ءۇي ماڭىنان تابىلعان 26 جاستاعى جىگىتتىڭ كەۋدەسىنىڭ سول جاق تۇسىنا پىشاق سۇعىلعان. وقيعا ورنىنا جەدەل-تەرگەۋ توبىنىڭ قۇرامىندا كينولوگ تا جىبەرىلەدى.
«جەدەل-ىزدەستىرۋ ءىس-شارالارى بارىسىندا «الفا» اتتى قىزمەتتىك ءيتتىڭ كومەگىمەن 19 جاستاعى جەرگىلىكتى تۇرعىن - جابىرلەنۋشىنىڭ تۋىسى كۇدىكتى رەتىندە ۇستالدى. ول ۋاقىتشا وقشاۋلاعىشقا قامالىپ، ۇستىنەن قىلمىستىق كودەكستىڭ 99-بابى «ادام ءولتىرۋ» بويىنشا ءىس قوزعالدى»، - دەدى ۆەدومستۆودان.
ايتا كەتسەك، كوكشەتاۋ دۇكەنىنە جارىلعىش زات قويىلدى دەپ حابارلاعان ادام ىزدەستىرىلىپ جاتىر.