«قىزعالداق» ءفيلمىنىڭ كەيىپكەرلەرى 15 جىلدان كەيىن باس قوستى.
«شوپان بولامىن» دەپ تۋعان اۋىلىنا ورالعان تەڭىزشى اسحاتتىڭ ءومىرىن بەينەلەگەن كارتينا ۇلكەن ەكرانعا قايتا ورالدى. اتاۋلى كۇننىڭ قۇرمەتىنە وراي شىعارماشىلىق ۇجىم شىمكەنتتە جينالدى، دەپ حابارلايدى Almaty-akshamy.kz 24.kz-كە سىلتەمە جاساپ.
مەگاپوليسكە جاقىن بەتپاق دالادا 4 جىل بويى تۇسىرىلگەن فيلمدە قازاق اۋىلىنىڭ سالت-داستۇرلەرى سۋرەتتەلەدى. ءتۇسىرىلىم بارىسىندا اكتەرلەر شوپانداردىڭ تاۋقىمەتتى ءومىرىن شىنايى جەتكىزۋ ءۇشىن كيىز ۇيلەردە تۇرىپ، ۇزاق ۋاقىت مال سوڭىندا جۇرگەن. فيلم كوپتەگەن حالىقارالىق ماراپاتتاردى جەڭىپ الدى. 2008 جىلى كانن كينوفەستيۆالىندە ەرەكشە جۇلدەگە يە بولدى. سونداي-اق، 2009 جىلى «ۇزدىك شەتەلدىك فيلم» اتالىمى بويىنشا وسكارعا ۇسىنىلدى. ءفيلمنىڭ 15 جىلدىعىنا ارنالعان كورسەتىلىمدەر بۇعان دەيىن پاريجدە، الماتىدا جانە ماسكەۋدە وتكەن بولاتىن.
«بۇل وتە ەرەكشە وقيعا، ويتكەنى فيلم بارعان سايىن تانىمال بولىپ كەلەدى، بۇل تاڭقالدىردى ءبىزدى. باستاپقىدا كورەرمەندەر از بولعانىمەن، بىرتىندەپ كوبەيىپ كەلەدى. اسىرەسە جاستار جاعى كوبىرەك ۇناتادى. ءبىز باستاعان كەزدە بارلىق اكتەرلەر دەبيۋتانتتار بولعان ەدى. ال بۇگىندە ولار قازاقستاننىڭ ۇزدىك اكتەرلەرىنىڭ ءبىرى»، - دەيدى رەجيسسەر سەرگەي دۆورسيەۆوي.