زامانمەن بىرگە قازاقتىڭ ءسالت-داستۇرى، ۇلتتىق ويىندارى دا جاڭعىرىپ كەلەدى.
وسكەلەڭ ۇرپاقتىڭ ويىنداردىڭ اتىنا عانا ەمەس، زاتىنا دا قانىق ەكەندىگى قۋانتادى. سونىڭ ءبىرى اسىق ويناۋ.
ەر بالالاردىڭ اسىققا ءۇيىر ەكەنى بەلگىلى عوي. كەيىنگى كەزدە قىزدارىمىز دا بەيىمدەلىپ كەلەدى ەكەن، دەپ حابارلايدى اlmaty-akshamy.kz 24.kz-كە سىلتەمە جاساپ. ەلوردالىق كاۋسار سەرىكتىڭ بەس اسىقپەن اينالىسىپ جۇرگەنىنە بەس جىلدان استى. بۇرىمدى قىز وسى ۋاقىت ارالىعىندا اسىقتى ۇرشىقشا ءيىرىپ، تالاي بايگەلەردىڭ الدى بولدى. ءتىپتى ق ر چەمپيوناتىندا دا تۇعىردىڭ ءبىرىنشى ساتىسىنان كورىنگەن.
كاۋسار سەرىك، اسىق اتۋدان ق ر چەمپيونى:
- ءبىرىنشى مەنى اپكەم ۇيرەتە باستادى جان-جاقتى. سودان كەيىن مەكتەپتە ۇيرەتىلە باستادى. قازىردە دامىپ كەلە جاتىر. مەنىڭ، مىسالى، ۇلكەن اپكەلەرىم بار، ارتىمنان ەرگەن سىڭلىلەرىم دە بار ويناپ جۇرگەن. اتا-بابادان كەلە جاتقان ويىن عوي. ويناعىن كەلەدى قىزىقتى.
قالاداعى اسىق اتۋ مەكتەبىندە وقۋشىلاردان بولەك ەرەسەكتەر دە شەبەرلىكتەرىن شىندايدى. ءقازىر بۇل جەردە 11 سپورت شەبەرى، 20 سپورت شەبەرىنە ۇمىتكەر بار. قالالىق اسىق ويىنى فەدەراسياسى پرەزيدەنتىنىڭ ايتۋىنشا بەس اسىق ويىنىنا قىزىعۋشىلىق كوپ. ويتكەنى بۇل ويىننىڭ ادام دەنساۋلىعىنا تيگىزەر پايداسى مول.
ەسكەندىر راحمەتوۆ، استانا قالاسىنىڭ "اسىق ويىنى" فەدەراسياسى پرەزيدەنتى:
- بەس اسىق ويىنى ارقىلى ءبىزدىڭ كوزىمىزدىڭ بۇلشىق ەتتەرى، قولدىڭ موتوريكاسى، مويىن ەتتەرى ودان قالا بەرسە پسيحيكالىق تۇرعىدان جاقسى تاربيەلەيدى. وتىرىپ ويناسا دا وتە ۇتىمدى، سۇلۋ ويىن قىزدارعا ارنالعان. دەنساۋلىققا پايداسى وتە مول. ول قولجەتىمدى ويىن. ىقشام جەردە ويناپ شىعاسىز. ۇلكەن سپورتزالدى تالاپ ەتپەيدى. ءتۇرلى-تۇرلى ءىس-شارالاردا قولدانىلاتىن قول جەتىمدى سپورت.
ەسكەندىر راحمەتوۆتىڭ وزىق شاكىرتتەرىنىڭ ءبىرى ارۋجان قۋانوۆا. ول بىلتىرعى جىلى وتكەن 6 شى ۇلتتىق سپورت تۇرلەرى فەستيۆالىنىڭ جەڭىمپازى. ق ر چەمپيوناتىنىڭ بىرنەشە دۇركىن جۇلدەگەرى. ەندى ول كۇزدە وتەتىن ءباسى بيىك كوشپەندىلەر ويىنىنا قاتىسۋعا دەن قويىپ وتىر.
ارۋجان قۋانوۆا، ق ر اسىق ويىنى سپورتىنان سپورت شەبەرى:
- بۇل ويىنمەن مەنىڭ اينالىسىپ جاتقانىما 2017 دەن بەرى 6-7 جىلداي ۋاقىت بولىپ قالدى. جانە بۇل ويىن ەپتىلىكتى شەبەرلىكتى دامىتادى. وسىنىڭ ارقاسىندا ەپتىلىك، شاپشاندىق دامىپ كەلە جاتىر. بۇل ويىندى ويناعان وتە قىزىق. كوبىسى ويلايدى وناي ويىن دەپ. بۇل قيىن ويىن نەگىزىندە.
اسىق ويىنى ۇلتتىق ويىنداردىڭ ىشىندە اسا تانىمالى جانە قازاق حالقىنىڭ ءداستۇرلى ۇلتتىق ويىندارىنىڭ ەڭ قىزىقتى ءارى وتە كەڭ تاراعان ءتۇرى. سوندىقتان عاسىرلار بويى حالىقتىڭ زەردەسىندە ساقتالىپ كەلگەن وسى ءبىر ويىندى وسكەلەڭ ۇرپاقتى تاربيەلەۋدىڭ قۇرالى رەتىندە پايدالانساق ۇتارىمىز كوپ بولادى.