ق ر ونەركاسىپ جانە قۇرىلىس مينيسترلىگى اياق كيىمدى سيفرلىق تاڭبالاۋ بويىنشا وكىلەتتى ورگانى رەتىندە ءبىرىڭعاي وپەراتورمەن بىرلەسىپ اياق كيىم وندىرۋشىلەرمەن جانە ءىرى لوگيستيكالىق كومپانيالارمەن تاۋاردى تاڭبالاۋ ماسەلەلەرى بويىنشا كەلىسسوزدەر وتكىزدى.
كەزدەسۋ بارىسىندا Beijing Vitcony كومپانياسىنىڭ باسشىلىعى تەگىن تاڭبالاۋ قىزمەت كورسەتۋگە دايىن ەكەنىن ايتتى، دەپ حابارلايدى اlmaty-akshamy.kz.
«ءسىزدىڭ كاسىپكەرلەرىڭىز بارلىق دەرەكتەردى ەنگىزۋىمىز ءۇشىن جاپسىرمادا بولۋى كەرەك اقپاراتتى PDF فورماتىندا جىبەرۋى ءتيىس. وسىدان كەيىن ءبىز بۇكىل پروسەدۋرانى ورىندايمىز. كليەنت تەك جەتكىزۋ قىزمەتتەرىن ءۇشىن تولەۋى كەرەك. بۇل تۇپكىلىكتى باعاعا اسەر ەتپەيدى. ءبىز سەرىكتەستەرىمىزدىڭ بىزدەن تەك جوعارى ساپالى قىزمەت الۋى ءۇشىن قولدان كەلگەننىڭ ءبارىن جاسايمىز»، - دەدى فاينا تانياداشا، Beijing Vitcony باس ديرەكتورى.
ساراپتاما ناتيجەسىندە قىتايلىق وندىرۋشىلەر - اياق كيىم تىگۋ بويىنشا ءىرى فابريكالار باسقا دا كورشى ەلدەر اۋماعىنا ەكسپورتتالاتىن تاۋارلار بويىنشا تاڭبالاۋ قىزمەتىن ءقازىردىڭ وزىندە جۇزەگە اسىرىپ جاتقانى انىقتالدى. تيىسىنشە، بارلىق بيزنەس-پروسەستەر تەستىتلەۋدەن ءوتىپ، جۇزەگە اسىرىلىپ، بىرنەشە رەت سىناقتان وتكەن جانە قازاقستان رەسپۋبليكاسىنىڭ اۋماعىنا اياق كيىم ونىمدەرىن يمپورتتاۋ بارىسىندا قولدانىلۋعا دايىن.
سونىمەن قاتار، ەكسپورتقا شىعاتىن جۇكتەردى «جيناۋ جانە توپتاۋ پۋنكتتەرى» بولىپ تابىلاتىن ءىرى ترانسشەكارالىق توراپتار رەسەيلىك جانە قازاقستاندىق يمپورتتاۋشىلارعا اياق كيىم ونىمدەرىن تاڭبالاۋ قىزمەتىن كورسەتۋدە. بۇل پروسەدۋرانىڭ قۇنى ءبىر جۇپ اياق كيىم ءۇشىن 0،2-دەن 0،5 يۋانعا (13-33 تەڭگە) دەيىن جەتەدى، كەيدە اتالمىش ءراسىم جۇك كولەمىنە جانە تاۋار يەسىمەن جاسالعان كەلىسىمدەرگە بايلانىستى قوسىمشا تولەمسىز جالپى كەشەندى قىزمەت رەتىندە بەرىلەدى.
«Baby sky» برەندىنىڭ وكىلدەرى دە تەگىن ىنتىماقتاستىققا دايىن ەكەندىكتەرىن جەتكىزدى. تاۋارلاردىڭ ۇلكەن كولەمىن ەكسپورتتايتىن بولسا، ولار ارنايى كودتى جابىستىرۋعا جۇمسالاتىن بارلىق شىعىندارىن وزدەرى كوتەرۋگە دايىن. ايتا كەتەرلىگى، قىتايلىق وندىرۋشىلەر قازاقستاندىق اياق كيىم نارىعىنىڭ جالپى كولەمىنىڭ 70 پايىزىن قامتيدى.
ايتا كەتۋ كەرەك، مىندەتتى تاڭبالاۋ ەنگىزىلگەننەن بەرى قازاقستانعا اياق كيىمنىڭ رەسمي يمپورتى سالىستىرمالى تۇردە ايتقاندا 2019 جىلعى 39،5 ميلليون جۇپ بولسا، 2021 جىلى 53،1 ميلليون جۇپقا جەتىپ، 34 پايىزعا وسكەن. ال 2022 جىلدىڭ 7 ايىندا 26،1 ميلليون اياق كيىم مىندەتتى تاڭبالانسا، 2023 جىلى 35،6 ملن. جۇپقا جەتكەن. دەمەك، 36 پايىزعا وسكەندىگىن بايقاۋعا بولادى.