ناۋقاستا ديارەيا، قۇسۋ، دەنە قىزۋىنىڭ كوتەرىلۋى سياقتى بەلگىلەر بولعان.
قىتايدىڭ حۋبەي پروۆينسياسىنىڭ ۋحان قالاسىندا تىرىسقاق (حولەرا) اۋرۋىنىڭ العاشقى جاعدايى راستالدى. بۇل تۋرالى «سينحۋا» اگەنتتىگى اۋرۋلاردى باقىلاۋ جانە الدىن الۋ جونىندەگى جەرگىلىكتى شتابقا سىلتەمە جاساپ جاريالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تىرىسقاق اۋرۋىنا كۇدىكتى ناۋقاس 9 شىلدە كۇنى ۋحان ۋنيۆەرسيتەتىنىڭ جاتاقحاناسىندا انىقتالعان. ناۋقاستا ديارەيا، قۇسۋ، دەنە قىزۋىنىڭ كوتەرىلۋى سياقتى بەلگىلەر بولعان.
تەكسەرۋدەن كەيىن اۋرۋدىڭ تىرىسقاق ەكەنى انىقتالدى. قازىرگى ۋاقىتتا ناۋقاس دارىگەرلەردىڭ باقىلاۋىندا.
جەرگىلىكتى بيلىك ۋحان ۋنيۆەرسيتەتىنە سانيتارلىق-ەپيدەميولوگيالىق باقىلاۋدى كۇشەيتۋدى، وسى ۋنيۆەرسيتەتتىڭ ستۋدەنتتەرى مەن وقىتۋشىلارى اراسىندا ىشەك ينفەكسيالارىنىڭ الدىن الۋ جانە كۇرەسۋ بويىنشا كەڭىنەن ءتۇسىندىرۋ جۇمىستارىن جۇرگىزۋدى تاپسىردى.