الماتىدا ءتۇن ىشىندە قارۋ كەزەنگەن كۇدىكتى ۇستالدى.
وقيعا الاتاۋ اۋدانىنداعى دارابوز ىقشاماۋدانىندا بولعان. اۋلادا قارۋ اسىنعان بەلگىسىز ەر ادامدى بايقاعان كەشەن تۇرعىندارى دەرەۋ پوليسياعا حابار بەرگەن، دەپ حابارلايدى Almaty-akshamy.kz
قاۋىپسىزدىك ماقساتىندا پاترۋلدىك پوليسيا كۇشىمەن تۇرعىن ءۇي قورشالدى. ارتىنشا ارنايى بولىمشە قىزمەتكەرلەرى كۇدىكتىنى ۇستادى.
پوليسيانىڭ مالىمەتىنشە، سول تۇرعىن ءۇي كەشەگىنىڭ 37 جاستاعى تۇرعىنى ايەلىمەن جانجالداسقاننان كەيىن وسىنداي ارەكەتكە بارعان. ەر ادامنىڭ ءوز اتىنا تىركەلگەن تەگىس ۇڭعىلى اڭشىلىق مىلتىعى بولعان. تۇرعىنداردىڭ ايتۋىنشا، ول بىرنەشە رەت اتىپ ۇلگەرگەن. ابىروي بولعاندا، ەشكىم زارداپ شەككەن جوق. اتالعان فاكت بويىنشا سوتقا دەيىنگى تەرگەۋ باستالدى.