ۇيدەن شىقپاۋعا كەڭەس بەرىلدى
بەيسەنبىدە چەندۋ قالاسىنىڭ (قىتايدىڭ وڭتۇستىك-باتىسىنداعى سىچۋان پروۆينسياسىنىڭ اكىمشىلىك ورتالىعى) بيلىگى قاتاڭ لوكداۋن ەنگىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ. قىتايلىق مەگاپوليس بيلىگىنىڭ حابارلاماسىنا سايكەس، جەرگىلىكتى ۋاقىت بويىنشا ساعات 18:00-دەن باستاپ چەندۋ قالاسىنىڭ تۇرعىندارىنا ۇيدەن شىقپاۋعا كەڭەس بەرىلەدى.
سونىمەن قاتار، COVID-19-عا تاپسىرعان پتر تەستىنىڭ ناتيجەسى تەرىس بولسا، وتباسى مۇشەلەرىنىڭ بىرەۋىنە كۇنىنە ءبىر رەت ازىق-تۇلىك الۋ ءۇشىن دالاعا شىعۋعا رۇقسات ەتىلەدى.
كاسىپورىنداردىڭ جۇمىس بەرۋشىلەرى قالاداعى ەپيدەميولوگيالىق جاعدايعا بايلانىستى قىزمەتكەرلەرىن قاشىقتان جۇمىس ىستەۋ رەجيمىنە اۋىستىرعانى ءجون.
تەك اۋىل شارۋاشىلىعى بازارلارى، قاجەتتى تاۋارلارى بار دۇكەندەر، ءدارىحانالار مەن اۋرۋحانالار عانا جۇمىس ىستەيدى.
قوعامدىق كولىك قوزعالىسى قىسقارادى.
بەيسەنبىدەن باستاپ 21 ميلليونعا جۋىق حالقى بار چەندۋ قالاسىنىڭ بارلىق تۇرعىنىن جاپپاي پتر تەستىلەۋ ناۋقانى باستالادى.