اعىمداعى جىلدىڭ قاڭتار-مامىر ايلارىندا قازاقستان مەن جۇڭگو اراسىنداعى تاۋار اينالىمى 10،7 ملرد اقش دوللارىن قۇرادى، بۇل ءبىر جىل بۇرىنعىدان 21،6%-عا ارتىق، دەپ حابارلايدى Almaty-akshamy.kz Finprom.kz-كە سىلتەمە جاساپ.
تاۋار اينالىمىنىڭ باسىم بولىگىن ەكسپورت قۇراپ، ءبىر جىلدا 4،1%-عا ازايىپ، 4،9 ملرد دوللاردى قۇرادى. جالپى، ەل ەكسپورتىندا قازاقستاننان قىتايعا ەكسپورتتىڭ ۇلەسى 15،4%-دى قۇرادى. يمپورت 56،3%-عا، 5،9 ملرد اقش دوللارىنا دەيىن ءوستى. ەلدىڭ يمپورت قۇرىلىمىنداعى قىتايدىڭ ۇلەسى 24،2% قۇرادى.
بيتۋمدى مينەرالداردان الىنعان شيكى مۇناي مەن مۇناي ونىمدەرى قازاقستاننان قىتايعا جاسالاتىن ەكسپورتتىڭ نەگىزگى بولىگىن قۇرادى: 1،3 ملرد دوللار، بۇل وتكەن جىلمەن سالىستىرعاندا 16،4%-عا از.
ەكىنشى قاتاردا تازارتىلعان مىس جانە وڭدەلمەگەن مىس قورىتپالارى (676،6 ملن. اقش دوللارى، جىلىنا مينۋس 41،9%)، ءۇشىنشى ورىندا – بەيورگانيكالىق حيميا ونىمدەرى (388،3 ملن. اقش دوللارى، جىلدىق ءوسىم – 2،4 ەسە) .
سونىمەن قاتار، قازاقستان قىتايدان كيىم-كەشەك جانە باسقا دا تريكوتاج بۇيىمدارىن يمپورتتاۋعا بارىنشا قىزىعۋشىلىق تانىتتى: 441 ملن دوللار، بۇل ءبىر جىل بۇرىنعىدان 4،4 ەسە كوپ.
بۇدان وزگە، قىتايدان تەلەفوندار، جەڭىل اۆتوموبيلدەر، ەسەپتەۋ ماشينالارى جانە ولاردىڭ قوندىرعىلارى، سونداي-اق موتورلى كولىكتەردىڭ بولشەكتەرى مەن كەرەك-جاراقتارى ساتىپ الىندى.
بيىلعى جىلدىڭ ماۋسىم ايىندا قازاقستاندا قىتايدىڭ قاتىسۋىمەن 2،1 مىڭ كومپانيا جۇمىس ىستەدى، بۇل ءبىر جىل بۇرىنعىدان 37%-عا ارتىق.
مۇنداي كومپانيالار كوتەرمە جانە بولشەك ساۋدا سەكتورىندا جۇمىس ىستەۋدى ءجون كوردى: 750 كاسىپورىن، جىلدىق ءوسىم-40،4%.
ەڭ تانىمال بەس سالاعا سونىمەن قاتار قۇرىلىس، ءوندىرىس، تاۋ-كەن ونەركاسىبى، اقپارات جانە كوممۋنيكاسيالار كىردى.