الماتىدا ءال-فارابي داڭعىلىندا جول جوندەۋ جۇمىستارى جۇرەتىن كەلەسى ۋچاسكە بەلگىلى بولدى

 الماتى قالالىق موبيلدىلىك باسقارماسى ءال-فارابي داڭعىلىندا جول جوندەۋ جۇمىستارى جۇرەتىن كەلەسى ۋچاسكەنى ءمالىم ەتتى.

ۆەدومستۆونىڭ مالىمەتىنشە، ءال-فارابي داڭعىلىنىڭ وڭتۇستىك جاعىنا پوليمەرلى اسفالتتى بەتوندى توسەۋ جۇمىستارى اياقتالدى. سولتۇستىك جاعىندا دوستىق داڭعىلىنان ەسەنتاي وزەنى ارقىلى وتەتىن كوپىرگە دەيىنگى ۋچاسكەدە جوندەۋ جۇمىستارى جۇرگىزىلىپ، ءقازىر كولىك قوزعالىسى اشىلعان، دەپ حابارلايدى Almaty-akshamy.kz.

ەندى ەسەنتاي وزەنى ارقىلى وتەتىن كوپىردەن قوجانوۆ كوشەسىنە دەيىنگى ارالىقتا ورتاشا جول جوندەۋ جۇمىستارى وتەدى.

1 تامىز كۇنگى ساعات 23:00-دەن 3 تامىز كۇنگى تاڭعى 07:00-گە دەيىن داڭعىلدىڭ سولتۇستىك جاعىنداعى كولىك قوزعالىسى تولىعىمەن جابىلادى.
2 تامىز كۇنگى ساعات 07-00-دەن 3 تامىز كۇنگى 00-00-گە دەيىن ەسەنتاي وزەنى ارقىلى وتەتىن كوپىردەن سىرعابەكوۆ كوشەسىنە دەيىنگى ارالىقتاعى ءال-فارابي داڭعىلىنىڭ وڭتۇستىك جاعىنان ريەۆەرسيۆتى قوزعالىس اشىلادى.
باتىس جانە شىعىس باعىتتاعى جولاقتاردىڭ سانىن پاترۋلدىك پوليسيا قىزمەتكەرلەرى كولىك قوزعالىسى جاعدايىنا بايلانىستى انىقتايدى.
3 تامىزدا تۇنگى ساعات 00-00-دەن تاڭعى 07-00-گە دەيىن ءال-فارابي داڭعىلى بويىمەن باتىس باعىتتاعى (ەسەنتاي وزەنى ارقىلى وتەتىن كوپىردەن باستاپ) كولىك قوزعالىسى تولىعىمەن جابىلادى.
1 تامىز كۇنگى ساعات 23:00-دەن 3 تامىز كۇنگى 07:00-گە دەيىن بوتانيكالىق ب ا ق پەن قوزىبايەۆ كوشەسىنە كىرەتىن جانە شىعاتىن جول، سونداي-اق ءال-فارابي داڭعىلىنان قوجانوۆ كوشەسىنە شىعاتىن جول شەكتەلەدى.
«وسىعان بايلانىستى جاروكوۆ، قوجانوۆ جانە قوزىبايەۆ كوشەلەرىنەن اينالما جول قاراستىرىلادى.
جول جابىق كەزدە قوجانوۆ كوشەسىنەن ءال-فارابي داڭعىلىنا وتەتىن باتىس باعىت اشىق بولادى.
جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ءۇشىن پاترۋلدىك پوليسيانىڭ 6 بريگاداسى جۇمىس ىستەيدى. سونداي-اق قوزعالىس جىلدامدىعىن ساعاتىنا 40 شاقىرىمعا شەكتەۋ بەلگىلەرى ورناتىلىپ، كونۋس پىشىندەگى جارىقتا شاعىلىستىرۋشى فيشكالار ارقىلى جول جولاقتارى بولىنەدى»، - دەپ حابارلادى الماتى قالالىق موبيلدىلىك باسقارماسى.