مەملەكەت باسشىسى قاسىم-جومارت توقايەۆ قحر ءتوراعاسى سي سزينپينگە كوڭىل ايتۋ جەدەلحاتىن جولدادى
قىتايدىڭ وڭتۇستىگىندە اپاتقا ۇشىراعان ۇشاقتاعى جولاۋشىلار اراسىندا قازاقستاندىقتار جوق، دەپ حابارلايدى Almaty-akshamy.kz قازاقپاراتقا سىلتەمە جاساپ.
الدىن الا مالىمەت بويىنشا اتالعان ۇشاقتاعى جولاۋشىلار اراسىندا ءبىزدىڭ ەلدىڭ اداماتتارى بولماعان، - دەلىنگەن قازاقستان سىرتقى ىستەر مينيسترلىگى تاراتقان مالىمەتتە.
ەسكە سالا كەتەيىك، قىتايدىڭ وڭتۇستىگىندەگى گۋانسي-چجۋان اۆتونوميا اۋدانىندا China Eastern Airlines اۋە كومپانياسىنىڭ Boeing 737 جولاۋشىلار ۇشاعى اپاتقا ۇشىرادى. قايعىلى وقيعا قىتايدىڭ گۋانسي-چجۋان اۆتونوميالىق اۋدانىنداعى بيىك تاۋلى ايماقتاردا بولدى. ۇشاق بورتىندا 132 ادام – 123 جولاۋشى جانە 9 ەكيپاج مۇشەسى بولعان.