قىتايداعى وليمپيادادا دوپينگكە قارسى جاڭا ءادىس قولدانىلادى

ول ءداستۇرلى سىناما الۋ ادىسىنە قاراعاندا ءبىرقاتار ارتىقشىلىقتارعا يە.

«قۇرعاق قان» تالداۋىنا نەگىزدەلگەن سپورتشىلاردى دوپينگكە تەكسەرۋدىڭ جاڭا ءادىسى العاش رەت رەسمي جانە تولىق كولەمدە بەيجىڭدەگى قىسقى وليمپيادا ويىندارىندا قولدانىلادى. بۇل تۋرالى سارسەنبى كۇنى دۇنيەجۇزىلىك انتيدوپينگ اگەنتتىگىنىڭ (WADA) باسشىسى ۆيتولد بانكا باسپا ءسوز ءماسليحاتىندا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ونىڭ ايتۋىنشا، بەيجىڭدەگى قىسقى وليمپيادا ويىندارىندا قۇرعاق قان داقتارىنا تەستىلەۋدىڭ جاڭا ءادىسىن ەنگىزۋ - دوپينگكە قارسى قوزعالىستىڭ دامۋىنداعى ماڭىزدى وقيعا. ول ءداستۇرلى سىناما الۋ ادىسىنە قاراعاندا ءبىرقاتار ارتىقشىلىقتارعا يە.

WADA وكىلدەرى «قۇرعاق قان» ءادىسى بيوماتەريالدى جيناۋ جانە تاسىمالداۋ پروسەدۋراسىن جەڭىلدەتەدى، سونىمەن قاتار سپورتشىلاردىڭ دەنەسىنە ادەتتەگى سىناما الۋ ادىستەرىنە قاراعاندا ازىراق ارالاسادى دەپ سانايدى. تاجىريبە رەتىندە توكيوداعى جازعى وليمپيادا كەزىندە «قۇرعاق قان» الۋ ءادىسى قولدانىلدى. قۇرعاق قان داقتارىنا ارنالعان تەستىلەۋ ءادىسىن دۇنيەجۇزىلىك انتيدوپينگ اگەنتتىگى حالىقارالىق وليمپيادا كوميتەتىمەن (حوك) جانە اقش، قحر، جاپونيا، شۆەيساريا جانە اۋستراليانىڭ ۇلتتىق دوپينگكە قارسى ۇيىمدارىمەن بىرلەسىپ ازىرلەدى. بەيجىڭدەگى XXIV قىسقى وليمپيادا ويىندارى 4-20 اقپان ارالىعىندا وتەدى.