ىزدەۋ-قۇتقارۋ جۇمىستارى جالعاسۋدا
قۇتقارۋشىلار كەشە قىتايدىڭ وڭتۇستىگىندە اپاتقا ۇشىراعان Boeing 737 ۇشاعىندا بولعان جولاۋشىلاردى تاپقان جوق. سونداي-اق قايتىس بولعاندار تۋرالى دا دەرەك جوق دەپ حابارلايدى Almaty-akshamy.kz ريا نوۆوستيگە سىلتەمە جاساپ.
قازىرگى ۋاقىتتا قۇتقارۋشىلاردىڭ ايتۋىنشا، وقيعا ورنىندا ۇشاق قالدىقتارى انىقتالعان. الايدا حابار-وشارسىز كەتكەندەر تۋرالى دەرەكتەر ازىرگە جوق.
ىزدەۋ-قۇتقارۋ جۇمىستارى جالعاسۋدا. اپات بولعان جەر تاۋلى ايماق بولعاندىقتان ىزدەۋ جۇمىستارىندا ۇلكەن قيىندىقتار ورىن الىپ جاتقاندىعى ايتىلدى.
ال Global Times باسىلىمى تاراتقان مالىمەتتەرگە سۇيەنسەك، ۇشاق اپات بولعان جەردە جولاۋشىلاردىڭ ورتەنگەن جەكە كۋالىكتەرى، ءامياندارى مەن وزگە دە زاتتارى تابىلعان.
كەشە سhina Eastern Airlines اۋە كومپانياسىنا تيەسىلى Boeing 737 جولاۋشىلار ۇشاعى گۋانسي-چجۋان اۆتونومدىق اۋدانىنا قاراستى ۋچجوۋ قالالىق وكرۋگىنىڭ تەن ۋەزىندە اپاتقا ۇشىراپ، ورمان ءورتىن تۋدىرعان بولاتىن. اۋە اۆياسياسى باسقارماسى اتالعان اپاتتىڭ قۇلاعانىن راستادى. ۇشاق بورتىندا 132 ادام بولعان، سونىڭ ىشىندە 123ء-ى – جولاۋشىلار مەن 9-ى – ەكيپاج مۇشەلەرى.