سىرتقى ىستەر مينيسترلىگىنىڭ وكىلدەرى قىتايلىق ۇرىمشىدەگى كونسۋلدىقتا قازاقستاندىق ۆيزالار ساتىلىپ جاتىر دەگەن قاۋەسەتكە قاتىستى پىكىر ءبىلدىردى، - دەپ حابارلايدى Almaty-akshamy.kz Tengritravel.kz-كە سىلتەمە جاساپ.
جۋرناليستەر ءسىم وكىلىنەن ۇرىمشىدەگى قازاقستاندىق كونسۋلدىقتا ۆيزا الۋ ءۇشىن كەزەك ورىندارى دەلدالداردىڭ كومەگىمەن ساتىلىپ جاتىر دەگەن مالىمەتكە قاتىستى پىكىر ءبىلدىرۋىن سۇرادى.
"ماسەلە ايلىقتا ەمەس. كارانتيندىك شەكتەۋلەر اياقتالعان سوڭ قىتايمەن شەكارامىز اشىلدى جانە ازاماتتاردىڭ اعىنى ەسەلەنىپ كوبەيدى. سونداي-اق قازاقستاندى كورگىسى كەلەتىن ەتنيكالىق قازاقتاردىڭ دا سانى كوبەيدى. ولار ەتنيكالىق قازاق بولعانىمەن، جۇڭگو ازاماتى ەكەنىن ۇمىتپاۋ كەرەك، ياعني ولارعا ۆيزاسىز ەكى اپتاعا قازاقستانعا كەلۋگە رۇقسات ەتىلگەن. الايدا ولار ۇرىمشىدەگى كونسۋلدىققا بارىپ ۆيزا العىسى كەلەدى. ادام سانى وتە كوپ. ال ءبىزدىڭ كونسۋلدىقتا ماماندار از، وندايعا ەسەپتەلمەگەن"، - دەدى ايبەك سمادياروۆ.
ءسىم وكىلىنىڭ ايتۋىنشا، ەتنيكالىق قازاقتاردىڭ كومەگىمەن ەلەكتروندى كەزەك قۇرىلعان، وعان كونسۋلدىق قىزمەتكەرلەرىنىڭ ەش قاتىسى جوق.
"وندا كەزەك اۆتوماتتى تۇردە ونلاين-رەجيمدە شىعادى، بارلىعى كورە الادى"، - دەدى ول.