ولار كوماندانىڭ ۇزدىگى بولىپ سانالادى.
بياتلوننان قازاقستان كومانداسى بەيجىڭ وليمپياداسىنا 12 جولداما جەڭىپ الدى. ءتورتجىلدىقتىڭ باستى دوداسىندا ەلىمىزدىڭ اتىنان گالينا ۆيشنيەۆسكايا، الەكساندر مۋحين جانە ۆلاديسلاۆ كيرەيەۆ سىنعا تۇسەدى. بۇل تۋرالى كوماندانىڭ باس باپكەرى ماقسات شارانوۆ ايتتى دەپ حابارلايدى Almaty-akshamy.kz Olympic.kz cايتىنا سىلتەمە جاساپ.
«بياتلوننان وليمپيادا ليسەنزياسى كوماندانىڭ ماۋسىمداعى كورسەتكىشتەرىنە قاراي بەرىلەتىن. الايدا، پاندەمياعا بايلانىستى حالىقارالىق بيتلونشىلار وداعى جارىس جوسپارىن تۇگەلدەي وزگەرتتى. بۇرىن 1-دەن 20-شى ورىنعا دەيىنگى كوماندالارعا ءتورت كۆوتا، 20-23 ورىنعا ەكى كۆوتا، 24ء-شى ورىننان ءارى قاراي Wild Card بەرىلەتىن. بيىل تەك 20-شى ورىنعا دەيىنگى كوماندالاردىڭ كۆوتاسى ساقتالىپ، ودان تومەن ورنالاسقاندار جەكەلەي كورسەتكىشى بويىنشا جولداما يەلەندى. ال مۇنداي ورىندار بار بولعانى 12 عانا.
تاعى ءبىر ايتا كەتەرلىگى، جۇڭگو كومانداسى توپ-20 قاتارىنا ەنبەسە، جارىستى قابىلداۋشى ەل رەتىندە اۆتوماتتى تۇردە Wild Card بويىنشا 4 كۆوتا يەمدەنەدى. ناتيجەسىندە، سەگىز بوس ورىنعا 35 كوماندا تالاسادى. ال ەستافەتادا 27 قۇراما ب ا ق سىنايدى. وسىعان وراي، ءبىزدىڭ قىزدار كومانداسىنىڭ الدىندا ءتورت جولداما الۋ ماقساتى تۇردى. الايدا، ءبىزدىڭ قۇرامانى جۇڭگو قۋىپ جەتىپ، ءبىز كۆوتادان ايىرىپ قالدىق. قازاقستان اتىنان گالينا ۆيشنيەۆسكايا عانا قاتىسادى.
ەرلەر كومانداسىنىڭ الدىندا ەكى جولداما الۋ ماقساتى ءتۇرعان. ولار بۇل جوسپاردى ورىندادى. وليمپياداعا الەكساندر مۋحين مەن ۆلاديسلاۆ كيرەيەۆ قاتىسادى. ليسەنزيالىق بۇكىل كومانداعا بەرىلدى. ءبىراق وسى ەكى سپورتشىنىڭ ەڭبەگى كوپ. قازىرگى ساتتە ولار كوماندانىڭ ۇزدىگى سانالادى»، - دەدى باس باپكەر.