الماتىدا جاپپاي تارتىپسىزدىك كەزىندە جول ينفراقۇرىلىمىنا كەلگەن شىعىن مولشەرى قانشا؟

قالاداعى تارتىپسىزدىكتەر كەزىندە زاقىمدانعان جول قوزعالىسىن رەتتەيتىن تەحنيكالىق قۇرالدار قالپىنا كەلتىرىلدى

قالا اكىمدىگىنىڭ الدىن الا بولجامى بويىنشا جول قوزعالىسىن رەتتەۋدىڭ تەحنيكالىق قۇرالدارىنا 60 ملن تەڭگەگە جۋىق شىعىن كەلتىرىلدى. بۇل تۋرالى قالالىق موبيلدىلىك باسقارماسىنىڭ باسشىسى عاني مىرزاحانوۆ ونلاين بريفينگ بارىسىندا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

عاني مۇرزاحانوۆتىڭ ايتۋىنشا، قاڭتار ايىنداعى تارتىپسىزدىك كەزىندە 46 باعدارشام زاقىمداندى. 120-دان استام ماڭدايشا مەن پانەلدەر سىنعان. قازىرگى ۋاقىتتا بارلىق نىساندار قالپىنا كەلتىرىلدى.

«2 مىڭ شارشى مەتردەن استام تروتۋار جابىندىسى بۇزىلدى. بۇل - نەگىزىنەن رايىمبەك داڭعىلى مەن تولە بي كوشەسىنىڭ بويىنداعى تروتۋارلار. ءقازىر ونىڭ ءبارى قالپىنا كەلتىرىلدى. سونىمەن قاتار، تەحنيكا جانىپ كەتكەن جەرلەردەگى اسفالتتار اۋىستىرىلدى»، - دەيدى ول.

سونىمەن قاتار، باسقارما باسشىسى جاپپاي تارتىپسىزدىكتەر كەزىندە جول ينفراقۇرىلىمىنا شامامەن 60 ملن تەڭگە شىعىن كەلتىرىلگەنىن ءمالىم ەتتى.

«ناقتى شىعىندى ءدوپ باسىپ ايتا المايمىن. الايدا الدىن الا بولجام بويىنشا 60 ملن تەڭگە. جول قوزعالىسىن رەتتەۋدىڭ تەحنيكالىق قۇرالدارىنا 50 ملن تەڭگە، جول جابىندىسىنا 10 ملن تەڭگەگە جۋىق شىعىن كەلدى»، - دەيدى سپيكەر.