مەديسينالىق قارسى كورسەتكىشى جوق 3 پەن 11 جاس ارالىعىنداعى بارلىق بالاعا جىل سوڭىنا دەيىن ۆاكسينا سالىنادى
قىتايدا 3 پەن 11 جاس ارالىعىنداعى 84،4 ملن بالاعا كوروناۆيرۋسقا قارسى ۆاكسينا سالىندى، دەپ حابارلايدى Almaty-akshamy.kz سينحۋا اگەنتتىگىنە سىلتەمە جاساپ.
قحر-نىڭ دەنس اۋلىق ساقتاۋ ءىسى جونىندەگى مەملەكەتتىك كوميتەتتىڭ ءتوراعاسى بالالار اراسىندا ۆاكسينا سالۋ ءىسىن بەلسەندىرە تۇسەتىندەرىن مالىمدەدى. 3 پەن 11 جاس ارالىعىنداعى مەديسينالىق قارسى كورسەتكىشى جوق بالالاردىڭ بارلىعى جىل سوڭىنا دەيىن ۆاكسينانى الىپ ءبىتۋى كەرەك.
ۋنيۆەرسيتەت، ورتا جانە باستاۋىش مەكتەپتەردە ۆاكسينا سالۋ ەكپىنى ءبىرىڭعاي ۇلتتىق جوسپارعا ساي كۇشەيتىلگەن. وعان قوسا 18 جاستان اسقان ءبىلىم الۋشىلاردىڭ 95%-ى ۆاكسينا الىپ بولعان.
12 قاراشا كۇنگى جاعداي بويىنشا بۇكىل قىتايدا ۆاكسينانىڭ 2،37 ملرد دوزاسىن جۇزەگە اسىرۋعا جىبەرىلگەن. الايدا، وسى ۋاقىتقا دەيىن 1،074 ملرد ادام ۆاكسينا الىپ ۇلگەرگەن.
ايتا كەتسەك، قاراشانىڭ باسىندا اقش 5 پەن 11 جاس ارالىعىنداعى بالالارعا ۆاكسينا سالۋدى بەكىتكەن. بولجام بويىنشا بالالارعا ۆاكسينا سالۋ ۆيرۋستىڭ تاسىمالدانۋىن تومەندەتەدى.
سونداي-اق، كوستا-ريكا الەم بويىنشا ءبىرىنشى بولىپ 5 جاستان اسقان بالالارعا ۆاكسينا سالۋدى مىندەتتەدى.