تاۋدا سەل ءجۇرۋ ءقاۋپى ارتقان
قحر-دىڭ سۋ شارۋاشىلىعى مينيسترلىگى مەن مەتەورولوگيا باسقارماسى ەلدىڭ وڭتۇستىگىندەگى تاۋلى ولكەدە سەل ءجۇرۋ ءقاۋپى تۋىنداۋىنا بايلانىستى قىزىل دەڭگەيلى توتەنشە جاعداي جاريالادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
سينحۋا اگەنتتىگىندە كورسەتىلگەندەي، مەتەورولوگتەردىڭ مالىمەتى بويىنشا، 2 شىلدە كۇنى 20:00-دەن باستاپ گۋاندۋن پروۆينسياسىنىڭ باتىس بولىگى مەن گۋانسي-چجۋان اۆتونومدى ولكەسىنىڭ شىعىسىنداعى كەي جەرلەردە تاۋدا سەل ءجۇرۋ ءقاۋپى ارتقان. جەرگىلىكتى بيلىككە باقىلاۋدى كۇشەيتۋ جانە سۋ تاسقىنى، سەل بولا قالعان جاعدايدا الدىن الا حابارلاۋعا مۇقيات دايىن بولۋ تاپسىرىلدى. سونداي-اق جەرگىلىكتى تۇرعىنداردى ءقاۋىپسىز ايماققا كوشىرۋگە دايىندالۋ ەسكەرتىلدى. ايتا كەتۋ كەرەك، قىتايدا توتەنشە جاعداي 4 دەڭگەي بويىنشا بەلگىلەنەدى: كوك، سارى، قىزىل سارى جانە ەڭ جوعارعى قىزىل دەڭگەي.