جۇڭگو شۇعىل ارەكەت ەتۋ شارالارىن قابىلدادى.
قىتايدا ادامنىڭ بۋبون وباسىن جۇقتىرۋ دەرەگى تىركەلدى، دەپ حابارلايدى Almaty-akshamy.kz.
قىتايدىڭ سولتۇستىك-باتىسىندا، نينسيا-حۋەي ايماعىندا ءبىر ادامنىڭ بۋبوندى وبا جۇقتىرعانى انىقتالدى. بۇل تۋرالى جۇڭگو مەملەكەتتىك تەلەارناسىنا سىلتەمە جاساپ Reuters اقپارات اگەنتتىگى حابارلادى. جۇڭگو اقپارات قۇرالدارىنىڭ حابارلاۋىنشا، وبا ناۋقاسى نينسيا قالاسىنا باسقا ايماقتان كەلگەن، ناقتى قاي جەردە ەكەنى ايتىلماعان.
وبا وتە جۇقپالى اۋرۋ جانە ءولىم-جىتىم دەڭگەيى جوعارى بولعاندىقتان، جۇڭگو شۇعىل ارەكەت ەتۋ شارالارىن قابىلدادى. دەگەنمەن، وقيعاعا ۇلتتىق توتەنشە جاعدايلارعا دەن قويۋ جۇيەسىندەگى بيولوگيالىق ءقاۋىپتىڭ ەڭ تومەنگى دەڭگەيى بولىپ سانالاتىن 4ء-شى دەڭگەيلى ەسكەرتۋ عانا تاعايىندالدى.
بۋبون وباسى – جۇقپالى اۋرۋ. ءولىم كورسەتكىشى جوعارى. ونى كەمىرگىشتەردىڭ ۇستىندە بولاتىن بۇرگەلەر تاراتادى. اۋرۋ بەلگىلەرىنە دەنە قىزۋىنىڭ كوتەرىلۋى، بورتپە، ليمفا بەزدەرىنىنىڭ ءىسىنۋى جاتادى.