ەلەكتر كولىكتەرىن ءوندىرۋشى BYD ەلەكتروموبيلدەردە قولدانىلاتىن بىرنەشە عاجايىپ تەحنولوگياسىن Yangwang U9 EV سۋپەركارىندا كورسەتتى. تۇساۋكەسەردە سارى U9 كولىگى تەك ءۇش دوڭگەلەگىمەن قوزعالا الاتىنىن كورسەتتى. تىكەلەي ەفير كەزىندە U9 كولىكتىڭ اسپاسىن (پودۆەسكا) ەدەنگە ءتۇسىرىپ، قايتادان كوتەرۋ ارقىلى بي بيلەۋ جانە سەكىرۋ قابىلەتىن كورسەتتى. قىتايلىق تەحنولوگيانىڭ تاڭعاجايىبىن SlashGear پلاتفورماسىنا سىلتەمە جاساپ، Aikyn.kz ءتۇسىندىردى، دەپ حابارلايدى Almaty-akshamy.kz.
BYD ءوزىنىڭ حابارلاماسىندا U9 جاڭا ينتەللەكتۋالدى DiSus كورپۋسىن باسقارۋ جۇيەسىمەن جابدىقتالعانىن ايتادى. بولجام بويىنشا، جاڭا جۇيە جۇرگىزۋشىلەرگە ەلەكتر كولىگىنىڭ اسپا جۇيەسىن باقىلاۋعا جانە ەش قيىندىقسىز ءجۇرۋ بيىكتىگىن ءوز قالاۋى بويىنشا كوتەرۋگە جانە تومەندەتۋگە مۇمكىندىك بەرەدى.
ءۇش دوڭعالاقپەن قوزعالۋ دوڭعالاق كەنەتتەن جارىلىپ كەتكەن جاعدايدا اپاتتان ساقتايتىن ومىرلىك ماڭىزى بار فۋنكسيا دەپ باعالانىپ وتىر. ال بيلەيتىن كولىككە دەگەن سۇرانىس جاستار تاراپىنان زور بولۋى مۇمكىن.
ساراپشىلار قانداي كەرەمەت بولسا دا BYD كولىكتەرى ءۇشىن امەريكا قۇراما شتاتتارىنىڭ نارىعى جابىق ەكەنى بەلگىلى. سوندىقتان اقش كومپانيالارى ءوز نارىعىنداعى ەلەكتر كولىكتەرىن بيلەتۋ ءۇشىن عىلىمي زەرتتەۋلەر جۇرگىزىپ، ىزدەنىس جاساۋى كەرەك.
ال BYDء-تىڭ جاڭا اسپا جۇيەسى ءاۆتوموبيلدى شىنىمەن-اق سەكىرتە الادى. مىنا ۆيدەولاردىڭ سىلتەمەسى سوعان دالەل:
BYD پرەسس-رەليزىنە سايكەس، DiSus جۇيەسى تولىعىمەن قىتايلىق ينجەنەرلەردىڭ تاپقان جاڭالىعى جانە New Energy Vehicles كولىكتەرىندە ورناتىلۋدا. ولار DiSus جۇيەسىنىڭ ءۇش ءتۇرلى نۇسقاسىن ۇسىنادى: DiSus-C، كولىكتىڭ دەمپفينگىن (كولىكتەگى تەربەلىستەردى جاساندى تۇردە باسۋ) باسقارۋدىڭ ينتەللەكتۋالدى جۇيەسى؛ DiSus-A، اۋا كورپۋسىن باسقارۋدىڭ ينتەللەكتۋالدى جۇيەسى؛ DiSus-P، كولىكتى ينتەللەكتۋالدى گيدراۆليكالىق باسقارۋ جۇيەسى.
جۇيەنىڭ قالاي جۇمىس ىستەيتىنى تۋرالى ناقتى مالىمەتتەر قۇپيا بولىپ سانالادى. تانىستىرىلىمدا ساحناعا شىعارىلعان سارى سۋپەركار U9، BYD DiSus-X جۇيەسى دەپ اتايتىن جۇيەمەن جابدىقتالعان. DiSus-X كورپۋسىن باسقارۋ جۇيەسى مەن U9-نىڭ وزىنە ارنالعان تەحنيكالىق سيپاتتامالار ءالى جاريالانعان جوق.
BYD سونىمەن قاتار DiSus-C جۇيەسى BYD Han، Tang جانە Denza ەلەكتر كولىكتەرى ءۇشىن سىمسىز جاڭارتۋ ارقىلى قولجەتىمدى بولاتىنىن ايتادى. DiSus-P گيدراۆليكالىق جۇيەسى العاش رەت Yangwang U8 جول تالعامايتىن كولىكتە ورناتىلماقشى. قازىرگى ۋاقىتتا بۇل تەحنولوگيانى اقش-قا ەنگىزۋ جوسپارلارى بەلگىسىز.